السلام عليكم
شحالكم بنات
بغيت استفسر عن مساق الفكر ومساق المجتمع أبى آخذهم الكورس الياي مع الESPو مساق رابع بيكون صعب علي آخذ المساقين سوى؟ حد جرب ياخذهم؟
والشغلة الثانية منو الأساتذة إلي تنصحوني آخذ عندهم؟والأستاذ محمد عبد اللطيف بعده يدرس في جامعة الغمارات ولا لا؟
وياريت إذا وحدة منكم عندها خطة كلية التربية وجدول المساقات مالتها تطرشهم لي ؟ بالعلم أنا من بنات دفعة مادري جان الخطة مالتنا غير ولانفس السنوات إلي قبل
والسموحة طولت عليكم بس ياريت تساعدوني
اممممم الفكر خلوه بالانجلش الله يعينكم نحن بالعربي ويالله يالله نجحنا فيه وين ندرسه بالانجلش
احيدني كنت ماخذتنه عند محمد تكعيب عيسى
والمجتمع وايد حلوووو هالمساق يعني عادي ترومين تاخذينهن رباعه لانه المجتمع هب صعب وايد
والEsp بعد سهل
توكلي ع الله وتخبري ربيعاتج عن احسن الدكاتره لاني ان ذكرت لج اسامي اتوقعهم هب موجودين لاني من دفعة
موفقه
متي خلووه بالانجلش؟؟
انا خذته هالكوورس وكاان بالعربي
بس الثقافات بالانجلش
فكر خذي عند دكتور نجم الصراحه ماعليه كلاام ويعطي كل وحده حقهاا وزيااده
ومجتمع ان بعد باخذه الكورس الياي وماعرف عند منو اسجل ؟؟
ان بعد اريد خطه كليه التربيه … اذا ممكن
الفكر بالعربي ما تغير اختي ماخذته هالكورس
انا خذيت فكر ومجتمع مع بعض بصراحه صعب ما انصحج تاخذينهم رباعه صعب
والدكتور ((نجم )) وايد زين الكل يمدحه
وبالتوفيق
ما اضن الفكر بالانجليزي …
هالمساقين الفكر والمجتمع ما اضن يصيرن بالانجليزي
وخذيهن مع بعض لا تحاتين ..كل ماده يبالها دراسه
بس عادي مب صعبات
بالنسبة للفرك ناسية اسامي الاساتذه
والمجتمع دكتور عباس او دكتور عقيل لمواطن ..هذيل افضل اثنين
مشكورات خواتي عالمعلومات ويزاكم الله ألف خير
ناطرة خطة التربية ……..
أنا ما انصحج تاخذين الفكر والمجتمع في نفس الكورس
واللي تقول ما بيخلون المجتمع والفكر بالانجليش
ترى أبشرج من الكورس اللي طاف طبقوا القرار
وخلوا المجتمع بالإنجليش والعربي
وكانت المسألة اختيارية على حسب رغبة الطالبة