ماليزيا شهر 4 !! ضرووووووووووري افيدووووني

خواتي اختي كانت ناوية تسافر ماليزيا شهر 4 لشهر العسل ..

وهي حاجزة التذاكر ومخلصة .. بس بعدين المكتب السياحي قالولها كنسلي كل الجزر لان الجو ابدا مب حلووو .. ورطوبة فظيعة ..

وهي الحين متوهقة .. ما تم عالسفرة غير اسبوعين .. والتذاكر ما تقدر تكنسلها ..

فقلنا انها توزع مدة السفر بين دولتين .. ماليزيا ودولة ثانية جريبة منها ..

فحبيت اسألكن خواتي .. هل فعلا الجووو موول ما ينفع في ماليزيا شهر 4 .. ؟؟

واذا بغت تروح دولة ثانية أو جزيرة ثانية .. وين تنصحونها .. ؟؟

اتريا ردووودكن وادريبكن ما بتقصرن ..

المشاركة الأصلية كتبت بواسطة نــــوره

بشكل عام شرق آسيا كله جيه جوهم حار طول السنه و المطر مستمر

هلا حبيبتي ..

والله انا رحت ماليزيا فالصيف .. صح الجو حار وفيه بعض الايام رطوبة .. بس بشكل عام هالشي ما أثر على رحلتنا .. بالعكس ..

لكن قالولنا ان شهر 4 الرطوبة ما تنطاق خصوصا فالجزر وهي ما بتستانس ابد ..

انا سرت شهر 11 و متنا من الحر
شهر 4 اكيد بتكون الحرارة اعلى بس دامنها ما تروم تلغي التذاكر خليها تسير اخيَر لها

ترى جيه و الا جيه بيردون الفندق و بيتبرّدون ^^