هذا الأسبوع شفت إيرانية أعرفها من قبل بحكم إنها كانت زميلة لي في الشغل . المهم لاحظت أنه ما شاء الله الله يبارك لها بشرتها صارت صافية وبدون أي بقع وكانت العكس تماماً , فسألتها عن السبب قالت :ببساطة بطلت أستخدم منتج ماء الورد الإيراني !!! أستغربت منها وقلت لها كيف يعني ؟ قالت لي : كنت أستخدم ماي الورد الإيراني الخاص بالبشرة الجافة .( خواتي العلبة الصغيرة الي برشاش وتنباع عند العطار أو الحواي وتنباع بعد في القرية العالمية ) تقول كنت أستخدمه لوجهي كتونر , بس يوم جات أمي عندي وشافت ماي الورد قالت لي هذا ما زين ويضر بالبشرة ويخليها تتحسس وتبقع !!! لأنه فيه زيوت ومواد ثانية يعني مب ماي ورد نقي ! ( فعلاً رجعت للعلبة اللي عندي في البيت ولقيت مكتوب عليها المكونات : ماء ورد إيراني مركز ومواد طبيعية خاصة بالبشرة ) . المهم هي تقول بطلته وصارت تستخدم ماي الورد العادي الخاص بالأكل والحمدلله أختفت البقع والإحمرار اللي كان عندها .
هذا اللي قالته لي وحبيت أكتبه للفائدة . عني أنا أستخدم ماي الورد الخاص بالبشرة للجسم ريحته حلوة تعجبني , ما جربت أستخدمه للوجه لأن بشرتي تتحسس بسرعة وأستخدم أحيانا ماي الورد العادي .
فاللي أستخدمت ماء الورد الإيراني الخاص بالبشرة ياليت تكتب تجربتها لينا سواء كانت إيجابية أو سلبية علشان نستفيد .
ماي الورد روووعه حتى باوقات النهار او قبل النوم
جزاكي الله خير عالمعلومة
ماشي ماي ورد خاص للبشره هاي حركات تسويقيه تجاريه فقط
ماي الورد المستخدم للاكل هو نفسه تستخدميه للويه
للرفع
معلومات أول مرة أعرفها أشكركم
مشكورة اختي
انا شفتها عند العطار وتم يمدحه انه زين للبشرة بس اترددت اخذه
قاعده استخدم اللي بالجمعيات بس لبناني شتورة