السلام عليكم ورحمة الله وبركاته……………
شحالكن خواتي؟؟؟؟؟؟؟
انا شعرانيه وايد اخصتن ويهي كل اسبوعين يطلع الشعر بسرعه وسيقاني ايدي ورجلي بسرعه يطلعون وعندي مسامات ايدي ورجلي مفتوحه والكل قال ان الي يسكر مسامات الليزر لان الي يسبب المسامات الحلاوة وانا بشرتي حساسه من اسوي حلاوه المسامه يستوي دم فيه كانه جروح وتتشوهه ريلي وايدي
وحبيت اعرف اذا بستفيد من الليزر المنزلي ولالا لاني حسبتها اذا بسوي في مركز بيطلع على تكلف وايد وامكن احتاج وايد جلسات فاريد اوفر؟؟؟وحبيت اعرف شو احسن جهاز..؟؟وين اشتريه…؟
وشو احسن الليزر ولا الضوئي ……………؟وشو الفرق بينهم………..؟؟؟
عزيزتي أنا جربت الليزر المنزلي ( لوميا ) من فيليبس
هذي صورته
جربته للمناطق لحساسه بس ما حسيت بفايدته كثر الليزر في المركز الطبي
الليزر المنزلي ما ينفعلج ..
احس ما بيعطيج نتيجه اوكي مثل المركز الطبي
عادي بيطلعلج جلسات فري
الحينا الجسم كامل 1 لكل الجلسات ..
ممكن تسوين جمعيه .. و توفرين مبلغ كل شهر و ان شالله بتستفيدين ..
بس لازم تراجعين دكتوره ..
هي بتقولج اذا المسام بتتصكر مع الليزر او يبالها علاج بروحها ..
انا صوب الفخذ عندي مثل حبوب حمرا ع المسام بس وايد صغار ..
و احس عادي ما مسولي ارق .. الحياه حلو ..
مو لازم جسمج يكون بيرفيكت 100% لان بتتعبين وااااااااااايد كل يوم شي يديد
بس اذا المسام صدق مشويه المنظر احس لازم تتعالج
موووووووفقه
للرفع
الليزر المنزلي تقدرين تاخذينه وتستخدمينه فتره بيخفف الشعر وايد لكن مارح يشله نهائيا
انصحج بليزر فيلبس اليديد يمكن قيمته 3000 وشي مب متاكده من السعر
وبعد مايخف تروحين تشلين كم جلسه باي مركز طبي مضمون مارح ياخذ جلسات وايد اعتقد 4 جلسات كافي
هذا لو انه الشعر خف وايد مع الجهاز المنزلي
اعتقد الجلسه الوحده تكلف 2024 او 1800 وحتى توصل لل 4000 للجسم كامل على حسب اسعار المركز
موفقه
الفليبس ووووووايد يمدحونة