من حقه ولا لا ؟؟؟- محتارة دشوا شوروا علي !!!!!

عندي مشكله ومحتارة فيها

تقدم لي زميل في الدوام ,,, بصراحه هالانسان شارني ويحبني وايد , هذا طبعا غير عن اخلاقه العالية وطيب اصله وشخصيته اللي تخبل

مشكلة هالشخص انه متزوج وعنده عيال ,,, زوجته اكتشف ان عندها انفصام في الشخصية من يوم هي صغيره ,,, طبعا لما راح يخطبها خشوا عنه اهلها هالشي وملج وتزوجها وهو ما يعرف

بعد الزواج اكتشف هالشي وهي ما كانت تصدقه ,, وتصيح وتقوله انت جذاب ,, طبعا هي تعرف انها مريضه بهالمرض واشتركت مع اهلها في انها تخش عنه

كانوا يبون يسترون عليها باي طريجه ,,, المهم تتزوج ,, عنده منها طفلين

هو صارحها بانه يبا يتزوج ومب قادر يستحمل هالوضع ومتأثر وايد ان انقص عليه ,,, وهي قالت له من حقك وما ألومك لو تزوجت علي

أنا حاسه ان هالانسان وايد زين وخلوق ,,, والله لو واحد غيره جان طلقها وخلاها تتبهدل بيت اهلها وهذا التصرف بحد ذاته كبره في عيني وايد

بنات ما خاب من استشار وما ندم من استخار

شوروا علي فديتكم اترياكم

وخاصه انه على ذمته انسانه ولو كانت مريضه .. صحيح من حقه انه يتزوج سواء برضاها ولا من غيره .. بس هالشئ ممكن يسبب مشكله انتي ماتحسين فيها .. وخاصه انه عنده منها عيال ..

عشان ماتكونين سبب في تعاستها وهدم بيتها وتتحملين هالذنب طول عمرج .. وتعيشين بتأنيب الضمير

لازم قبل لا تقدمين على هالخطوه فكري بكل صغيره وكبيره وإذا تقدم لج لازم هلج يدرون في هالشئ و يفكرون معاج وهم ان شاء الله بيشوفون الانسب لج .. وإذا كان يصلح لج ولا لا ..

استخيري ربج مره ومرتين وثلاث ودام الريال شايفج مناسبه له .. خل يتقدم لأهلج .. وأنصحج بإنج تخلينه يستخير قبل لا يخطي هالخطوه ويتقدم عشان هو يكون مرتاح ومطمئن ومايظلم حرمته ..