مرحبا خواتيه
جديدي اليوم
كفته التوست + مقبلات فتة الباذنجان
انصحكم تجربون لانها صراحه قمممممه
لمقادير :
كيس توست
حليب ( ابوقوس او اي شركه )
حشوة لحم او دجاج او جبن
الطريقة :
شليت الاطراف البنيه وحطيت التوست بمحضرة الطعام وطحنته خليته ناعم عقب حطيت حليب ابوقوس بنات لاتخلونه العجينه قاسيه انا خليتها ناعمه وسهلة التشكيل عقب حشيته بدجاج قطعته مكعبات صغار وقطعت بصل حمرته بزيت الزيتون عقب حطيت الدياي لين استوا اضفت شوية ملح وفلفل اسود و1م خردل
كمية العجينه كبر البيضه فردتها بيدي وحطيت الحشوه عقب بندتها وبرمتها وخليتها تشبه الكبه
وقليتها
فتة الباذنجان
2 باذنجان مقشر ومقطع مكعبات
بصل
1م صلصه
فلفل اسود وملح
الطريقه
اول شي قليت الباذنجان بزيت انا ماخليته غزير لانه بيمتص وايد يعني حطيت كميه قليله امتصه الباذنجان ويوم بدا يستوي الزيت كله تجمع صفيته من الزيت
حمست البصل بزيت الزيتون عقب ممكن تضيفين فلفل حلو وشوويه بشر ثوم انا ماكثرت الثوم مابغيت طعمه يكون بارز
عقب اضفت الباذنجان واضفت الفلفل الاسود والملح واخر شي اضفت 1 م صلصه طماط وخليته 5 دقايق وبس
مشكورة
انا وايد احب الكبب
وعوااااافي
حبيت الكفته .. شكلها فنان ^^
بالعافيه عليكم اختي ام مايد…
وتسلم يمينج
مشكورات خواتيه الحبيبات وان شاء الله تجربون وتعجبكم
تسلم الاياد بالعافيه
سلمت يمناك شكله لذيذ
ما شاء الله فكرة حلوة تسلم ايدج