كشتات الريوق للي يحبون نشة الصبح :)

وانا يالسه اتحوط في قسم السياحه في الإمارات لاحظت ان اغلب البنات طلعاتهم تكون عشا

و انا هاي الطلعه ما تنزلي من زور لو مب ريلي يحبها جان ما سرتها (بطرانه) ….

انا امووووووووووووت و اتريق برع البيت و من اول الصبح يعني نتسابق منو ينور الشارع انا و الا الشمس …. *_*"……

عشان جذه ليت كل من عدها خبره في مكان ريوق حلو و فنتق تخبرنا و انا بحط اول باول ايدد الأماكن ..

(1) قصر الإمارات في ابوظبي … بوفيه من 6 لين 10 على ما اذكر و الشخص كان بحدود 300 درهم الصراحه خطيييييييييييير آكل لين ما اشبع ويكون غداي على العصر
(2)كافيه اسمه PAUL اللي في الووك ما عرف اتوقع شفته في الستي سنتر، مممممممم لذيذ وااااااااايد عنده وجبه حاط صورتها في نص المينو (مشهور فيها المحل )
(3) BREAD &CO اللي في الفستيفال اكله اغلبه بالخبز الفرنسي
(4) المخبز الفرنسي اللي ورا مستشفى سلمان حبيب (بجربه ها الأسبوع )
(5) الأتلانتس البوفيه مالهم وايد حلو _ للعلم فيه اثنينه و نحنا اخترنا العادي مب الأسيوي نسيت اسمه _ الشخص ب140

اللي عندي اماكن و مجربنها يخبرنا ……

للعلم في خاطري ارتب ريوق في البر بس ما عرف الساعه كم انش شكلها لازم قبل الفجر … بس بسويها انشا الله قبل ما يفوتنا الجو الحلو و بخبركم بالنتايج …..