السلام عليكم خواتي….
اتمنى …احد يساعدني ولو بكلمه…تراني كلش حايره…وتعبانه نفسيتي بعد…
خليني اختكم في الله…واعطوني رايكم….
اني مشكلتي…
انه ملجت على ريال (مده شهر) بعد مامدح فيه اهله وايد وانه بيعطيني كل اللي ابيه سواء وظيفه او سكن خاص باسمه والخ من الامور…
غير انه الام كانت وايد تمدح بعيلتهم واصلهم وانها مابتدخل باي شي فيني او في الريال والبيت…
قبلت…وياريتني ماقبلت…
في اول يوم ملجه …سوت لي مشكله عكب ماصار اختلاف على مبلغ بسيط في الذهب مابتصدكون المبلغ 250 درهم بس…..وتصالحنا …وكنا متفقين وقتها على موعد الحفله..
اتصلت ثاني يوم …تكلي الام ترانا استعيلنا وايد…ونبى فتره نتروى فيها…
انا يابنات انصدمت…وااااااااايد…وحاولنا انحل الموضوع ودي…ويييت الام تتفاهم معانا وتكول مابي البنت تطلع من البيت ومابيها تشوف اهلها الا مره كل اسبوعين ومابيها تنزل وحدها والخ من الامور اللي تصدم…حاولوا اهلي يستوعبون الموضوع..واتفقوا اتفاق…يرضي الطرفين..
صارت الحفله…وانا في 3 ايام ضعفت 3 كيلو…لان الصراحه اتاثرت وايد…
بعدها اكتشفت انه الريال ماشي شخصيه…معدوم كله كلام امه….
ايلس معاه ساعتين بالاسبوع تتصل فيه الام وتكله …هالحين بتيي…وتتركها..
وانا يالسه مصدومه حاولت اتكلم معاه واتفق معاه ماراضي يغير طبعه…وبتصل الا وين ووين…
المهم بعد كلالالام وايد كانت تتكلمه الام… غير انه كل كلمه كنت برمسها معاه كانت عند الاهل كلهم…
اخر مشكله صارت انه مغيرين رايهم على السكن وانه مو باسمه باسم الام بعد ومتبيني ايلس فيه وتبيني ايلس عندهم بغرفه…وهالحين ماسامعه صوت ريلي ولاكانه هو ريلي…
وفوك هالحزه ياي الاب معصب ويهين فينا…على شو علشان مانبى هالحل..غير انو الولد زعلان علشان انا ماودي اخليه يمسك ايدي..وراح شاكي لامه…ولابوه..
اتخيلو يابنات انه انا عندي حساسيه من الصابون …وبراويه ايدي ونزعت الدبله وبوريه ايدي..شو يحكي لامه اني ذبيت الدبله بويهه؟؟؟ وانا والله مو هذا اللي صار..لان هو عكبها جدا عادي ولا علق ولاشي…لان كنت اضحك معاه ولا رميته ولا شي..
وصدكوني حاولت معه للريال انه اوكف معه اتخيلو حتى اني عرضت عليه اعطيه راتبي…و انوفر من راتبه…وبسالو كم راتبك مبيطيع يتكلم الا لمن يسال الام…
انا عاد رفضت الموضوع…كله من اساسه…هالمره طالبين منا ندفع حك الاكل والحفله…حتى يطيعون يطلكوني..
وانا وافقت بعد ادفع كل شي مهري والبيزات والذهب..بس لازم يوقعون على ورقه البيزات اللي طالبيه بخصوص الحفله…ماطاعوا…رحت عملت خلع..بالمحكمه…عكبها يكلون بنطلك مانبي انشوشر على ولدنا…وانا شو انا مو حرمه مالي سمعه…!!
وهذا كله الريال ماله حس…لا وزعلان لين بفكر انه انا ماابيه…وانا والله كنت مثاليه معاه…مابزعله وهو يعمل فيني كل مقلب ولا الثاني..
مع العلم انا وايد اتقدمولي وهو بس وافقت عليه وهو الله يسامحه ولا عنده الموضوع…واخوه يحرضه بعد…وكل اهله…
شو اسوي…؟؟؟؟
موعدي يم الشؤون الاسره بعد يومين…على اساس الخلع..
واهله مايبون اشوفه حتى هناك…يعني حرمه مو ريال..هو.!!
وانا حازه في نفسي عكب اصير مطلقه…انا صغيره وحلوه وكثير اتقدمولي وانا رفضت …يعني بتشمتون فيني..
وبنفس الوكت ماطايعه اشوف ويهه…واهله ياتصالح ياطلاك بدون محكمه…والتصالح يصير بشروطهم…شو بسوي؟؟؟
والله مادري الغاليه…دام من البدايه مسوين جيه عجب شو بيصير لج…الله معاج …اخلي الرد للخوات الخبيرات …
اختي دام هذا حالهم و طبعهم احمدي رب العالمين انه خلصج منهم
دامج صغيره و بعدج ربي بيعوظج خير بإذنه سبحانه
بعد ما ينتهي الموضوع رددي
ربي اجرني في مصيبتي و أخلفني خيراً منها
و عليج بالاستغفار
و الدعاء
ربي ايعوظج بالي أحسن منه و أهل يحطونج في قلوبهم قبل عيونهم
المشاركة الأصلية كتبت بواسطة أم منصور5 
هيه…اني بعد ماودي…انا اكول ملجه ومسوين جيه…عكب زواج ويهال شو بستوي فيني…
وهو الريال الله يسامحه طفل…ماوكف معي ولابكلمه…ولاموقف…
بس حسبي الله ونعم الوكيل…
الله يكون ف عوونج اختي وان شاء الله الخوات بيساعدونج
المشاركة الأصلية كتبت بواسطة نــــوره دامج صغيره و بعدج ربي بيعوظج خير بإذنه سبحانه
بعد ما ينتهي الموضوع رددي
ربي اجرني في مصيبتي و أخلفني خيراً منها
و عليج بالاستغفار
و الدعاء
ربي ايعوظج بالي أحسن منه و أهل يحطونج في قلوبهم قبل عيونهم
انا بعد ماودي اتزوج…لين اتعقدت…مافي ثقه بعد…
وانا صليت استخاره وايد….
بس الله عليهم…حسبي الله…
انا هالحين كلبي نار حالتي النفسيه وايد تعبانه…وامي بعد..هالمسكينه بس اتصيح…..كيف بيسون فيه جذي…وانا مامقصره معاهم بشي…
امين الله يسمع منج…
تسلمين…
المشاركة الأصلية كتبت بواسطة أم ميودي اي وحده تقول لج ارجعيله انتي ترومين تغيرينه وما دري كيف , اضربيها ضرب
اسمعي اختي , من البدايه جي , المفروض ما تملجين
انتي شفتي خياس هالناس من اول مره واستوت مشاكل من اول مره وتموا يتشرطون ويتفلسفون , ياريت كنتي اعقل عن جي وما ملجتي لان الملجه مب سهله لانج بتكونين على ذمته شرعا وقانونا .
المهم انتي ملجتي وطلع الريال واهله = 0
اي حد يقول لج ارجعي لا ترجعين له ,
خلاص اختي خليه ينجلع جلعة ابليس
لو خذتيه والله راح تتلعوزين وياه وبيهدم حياتج وبيخليج تعيشين في هم
لان ها يعتبر دياية امه , ها مب ريال
والريال اللي كلمة اهله اتيبه وتوديه ماله شخصيه ودلوع وباجر بينقل بالحرف كل اللي يستوي بينج وبينه لاهله
ها مب كفو رجوله
خليه ينجلع وصممي على الخلع
واسمعي بعد , هم اللي يايين يخطبونج مب انتي اللي سايره تخطبينهم ! يعني هم اللي يدورون رضاج وراحتج
انا عصبت يوم شفتج تقولين اونه تبين تعطينه راتبج كامل , لو انتي جدامي جان ضاربتج والله . ما برضى عليج
لو انتي بنت صغيره , ماعليج , الله فوق , والله بيعوضج بالريال الزين
بس اختي انتي وين هلج ! كيف وافقوا على ريال ماله شخصيه , المفروض يفصلون فيه
ياريت فكرتي بعمرج وصغر سنج قبل الملجه
عموما
لا تخضعين , تمي متمسكه بالخلع
والله يااختي…اهلي بعد انصدموا…يعني ماكانو جذي…ويمكن هم جذي واحنا مب عارفيهم…
والملجه صارت يله عكبها بينت هالمشاكل..كبلها كانو طيبين…والام اتم تحلف على انها طيبه هي وولدها…
وانا اهلي طيبين مو باصحاب مشاكل…وعلى نيتهم وايد…
اونا بعد…كنت خاله الله بين عيوني…لان مثل ماابي نسوان اخوتي يتعاملون ويه هلي…
ودي اكون طيبه ويه اهل ريلي بعد…
هيه واحنا سالنا عنهم..ماحد كال كلمه شينه…الكل مدح فيهم…عكب المشاكل.. الكل بيرمس عليهم على اخلاقهم..
وانا قررت…انهمابكون الي ريال…
وتسلمين..ماقصرتي..