سلام عليكم
اشحالكم ستات و حريم و كل الانواع
المهم خطر في بالي سؤال يعني اذا الزوجة كانت تشتغل في وظيفة ما
وين بتحطي عيالها يوم تروح الدوام قصدي عيالها الصغار اللي ما يروحون المدرسة وين تبحطيهم
و بعد يوم هي راجعه من الدوام تبي ترتاح مين يمسك عيالها و يوم يسون حشرة و يوم تبي تحضر كيف تجابل عيالها
فاتمنى تشاركوني بارائكم
هذا ما تفتقده المرأه العامله
وجود حضانه تخدم منطقة عملها
فيضطرها هذا لتركهم مع الخادمه
او البحث عن احد من اقاربها لتتركهم عندها خلال فترة عملها او حتى احد جاراتها
و بالنسبه للحشره ما اعتقد لها حل ^_^
الله المستعان
الصراحه عقب مااشتغلت يبت خدامه سيريلانكيه كبيره فالسن صح انها ماكانت اتنظف البيت ولاتهتم فيه وايد بس كانت حنونه بنتي الصغيره ماكانت اتروح المدرسة عمرها 2 ونص يوم يبتها ماعقيت عيالي عندها ورحت لا خليت اختي تيلس معاها فتره واتشوف تصرفاتها مع البنت الصغيره والثانيه اتروح الروضه وترجع عادي الخدامه تستقبلها وقت رجوعها واتغديها ويوم كنت ارجع من الدوام كانت اتقول لي مدام ارقدي ارتاحي وخلى البنات عندي وبناتي وايد ايحبنها واصلا بعد ماكانت اتفارقهم حتى ماتخليني انازع بنتي ان غلطت لين ما أمها اتوفت واضطريت اني اخليها اتسافر عشان امها هذي تجربتي بس خدامات الحين الصراحه مايتامنن على اليهال بس السيلانيات في منهن وايد حنونات حتى صديقتي الحين تشتغل عندها ولدين بس اتخليهم عند خدامهتا السيلانيه ووايد تهتم فيهم وصديقتي بعد من دبي اتداوم فالشارجه يعني دوامها بعيد عن البيت واذا ماعندج خدامه وديهم بيت امج اذا بيتها قريب او عند اهل ريلج شوفي الانسب لج بس لان الاهل مب دايما فاضين لكن الخدامه بفلوسج تنجبر اتجابلهم خاصه اذا عاملتيها زين وعطيتيها هدايا اذا كانت تستاهل وبالتوفيق للجميع
ان شالله لا تعينت بتصير لي نفس مشكلتج
حاليا عندي بنتي في الحضانه وعيالي التوم ففكرت من بعد الشغل لازم اييب شغاله لكن انا وريلي ضد انخليها بروحها بالبيت مع اليهال اتفقنه يوميا نسوي الرحله بيت امي مع اليهال الخدامه ومن بعد الدوام ارجعهم البيت ع الاقل تحت عيون امي وتعاونها حنى خواتي واخواني وحزتها عاد بنتي اللي بالحضانه اخلي الباص ينزلها بيت امي
اما سالفه الحشره ماعتقد لها حل
مجبوه تتحملين او تريحين في الصاله وين ماهم يالسين والله يعين اكثر بعدين لمن اليهال بدرسون ووراهم واجبات وامتحانات عاد صج مافي وقت تحكين راسج
بعد الزوج ووقته روحه سالفه ثانيه ( ع قوله خالتي ام ريلي رقصه ثانيه )
ضريبه الامومه والشغل
الله المستعان
بالنسبة لي انا اشتغل و اخلي عيالي مع امي
بصراحة ما احب الخدم وما أأمن عليهم وايييد حق العيال
وما احب عيالي يكونون ف حضن غيري
و خدامتي ف بيتي تنظف و ترتب وانا ف شغلي و عيالي مع الوالدة و اعطيها مبلغ رمزي عسب تمسكهم
اوديهم الصبح و ارجعهم الظهر و مرات يوم بو العيال موجود اخليهم ف البيت و يتحمل مسؤوليتهم وما اوديهم عند الوالدة
و يوم ارجع من الدوام ما ارقد غالبا اكمل شغل البيت
و لو ريلج دوامه اقل عن دوامج او شفتات او مأجز تقدرين تريحين ساعه و يكونون اليهال عنده
خلي ريلج يساعدج لان الايد الوحدة ما تصفق و الحياة تعاون و مشاركة
و لو مجبورة ما عندج حد حطي كيمرات في البيت و تقدرين تجيكين من فونج شو يسون ف البيت عسب ترتاحين
و مرات اخليهم في البيت و اجوفهم بالكيمرة
خلي الكل يشارك معاج و يساعدج بالعكس هذا شي حلووو
و بالنسبة لو عيالج يفهمون
سوي لهم لوحة كبيرة و كل ما سووو شي زين حطي لهم نجمة
انا شو اسوي لهم يوم ارجع من الدوام خاصة يوم اكون سهرانه ابغي ارتاح ساعه
اقولهم اللي يسوي حشرة بشيل منه نجمة من لوحة الشرف
و طبعا كلهم هادييييييييين ولا حس ولا خبر
كل واحد ف حجرته يحل واجبه او يلعب و من انش ايون عندي ماما ما سوينا حشرة عطينا نجمة الله يخليج ههههههه
لدرجة كل واحد يرتب حجرته وما يخلون البشكارة بسبة اللوحة هههههه منه هم يتعلمون و يعقلون و منه البشكارة بترتاح من شغل البيت و بتعزهم اكثر لانهم يساعدونا في البيت
هاي اللوحة وايييييييييييد مفيدة لليهال و دايما تشجع اليهال ان يساعدون والدينهم
لو اموت واهلك يوووع عيالي ماااهملهم الولد من هب ييابه من رباه . وعندي ريل .. هو يكد ويشتغل ان شاء الله مايكفييييينا.!
بس حمد الله .. ولا اول اهماتنا شو يقووولن..!