ابغي اتزوج كيف؟؟؟

السلام عليكم ورحمة الله وبركاته

بنات عندي سؤال لكل وحده متزوجه ؟؟ كيف قلت انا موافقة على الزواج من فلان … كيف قدرت توافقين.. هذا مصيركم وحياتكم معاه طول العمر ..بنات الله يخليكم ساعدوني … ابغي اتزوج …. اتقدم لي كذا شخص عن طريق الاهل بس ما قدرت اوافق …احس ان صعب علي اني اوافق .. اتقدم لي كذا شخص لكن بعضهم يطلع فيه عيب وما اوافق .. وفي واحد اتقدم لي وكل حد مدحه لي …تميت اشكثر افكر وهم يتريون وانا اقولهم اني افكر.. اخر شى قلت لهم ما ابغيه …. احس اني ما اقدر اتخذ القرار …وبصراحة انا ابغي اتزوج واكون اسرة .. صح انا عندي مواصفات معينه للشاب وهي واهمها
1. ان يكون ملتزم بالصلاة ومحافظ عليها
2. ان يكون انسان طموح ويحب عمله ويهتم به
3. ان يكون حسن السيرة والسلوك والمظهر
4. صاحب اخلاق وقيم
5. مثقف ويستطيع فتح حوار ونقاش وصاحب اسلوب

ولا اتقولو لي ان هذا الاشياء مب مهمه لان هذي هي المواصفات جميعها مهمة عندي… ساعدوني كيف اقدر اوافق على اي شخص يتقدم انا في حيرة خصوصا بعد رفضي لكذا واحد اتقدم خصوصا ان نحن في عائلتنا ما عندنا شي اسمه فترة خطوبة علطول ملجة ومثل ما تسمعون كثير من حالات الطلاق تستوي هالايام وبصراحة انا عمري 25 وابغي اتزوج ويكون عندي عيال .بس القرار صعب…. افيدوني

شحالج … شخبارج

أولا الله يوفقج ان شاء الله … ويرزقج بولد الحلال

ثانيا المواصفات اللي انتي حاطتنها مهمه وايد لاي بنت بتزوج

ما شفتي انا شو حطيت …………….. قائمه طويله عريضه :1 (37):

ومثل ما قلتي ان اتخاذ القرار صعب

بس انتي اذا تقدملج واحد … شوفي كل مواصفاته هل تنطبق على اللي تبينه ولا لا

واكيد اولا واخيرا صلي صلاة الاستخارة … وبتحسين براحة كبيرة عقب الصلاة

اتمنى تفيدج نصيحتي باذن الله …. وتخبرينا انج انخطبتي :22 (12):

حاولي تتغاضين عن بعض الاشياء المهمه الي تبغينها فيه ..لانه ماحد كامل يعني لازم بتحصلين بعض الصفات الي ما بتعيبج ..بس اكيد بعد الزواج تقدرين تعدلينها ما بينكم بالتفاهم ..

واكيد هالموقف صعب بس لازم بتمرين فيه .. لانه كلنا مرينا فيه .. وبالعكس حسسي عمرج انه شي حلو وعيشي هالاجواء …