السلام عليكم ورحمة الله و بركاته حبايبي
شحالكم .. عساكم طيبين
افضل الصلاة والسلام على النبي محمد .. انا بعد
داخله على الله ثم عليكم
خواتي .. حابه احد يتواصل وياي ..
او يساعدني ..
في موضوع تقديم الاراضي و البيوت
اعرف الموقع اللي نقدم فيه
و اعرف البرزات و الديوان وكل بقعه نقدم فيها
المشكله انه كل مره يتم رفض الطلب
يقولون بنعطيكم ارض ..
ونحن مانقدر نبني ارض
مانروم على المصاريف ..
ف ياليت اذا حد يقدر يساعدني ف موضوعي بجديه
يتواصل وياي رجاءاً على شان باقي التفاصيل
او يساعدني بطريقة اخرى .
ب انتظاركم
مابا احبطج بس حاولت وايد وايد وسبحان الله مايستوي احس لازم واسطه
ينقل للقسم المناسب
اختي لاتحاولين مشكلتي اكبر من مشكلتك معاهم يبالنا واسطة كبيرة والواسطة تبي مبلغ كبير او ??????
الطلب سهل ونحن مقدمين بليا واسطة ولا خرابيط ولله الحمد طلعنا أرض
.
.
التقديم أون لاين وهم يكلمونج توصلين الأوراق المطلوبة لهم
وعقبها يتم الموضوع بسهولة
.
.
مشكلتج مب في تقديم الطلب، في طلبج نفسه
المستحقين للبيوت الشعبية لهم شروط وأنتي حالتج تستوفي شروط مستحقي الأراضي
ف قدمي طلب ع أرض وتوكلي ع الله
ترا مع الأرض يطلعلج قرض البنيان وهذا بليا فوايد ومع دفعات معقولة
لا تصعبين الموضوع وهو سهل!
المشاركة الأصلية كتبت بواسطة فداء علي 
هالكلام غلط ، مادري ليش أموركم معقدة أكيد في أسباب لحالتج وأنتي مب موضحتها
بس الطلبات تقدم أون لاين وعن طريق رقم الأسرة في خلاصة القيد
والمنح نوعين : بيوت شعبية وأراضي سكنية
وكل منحة لها شروط منها مدخول مقدم الطلب يعني اللي راتبه فوق مقدار معين يستحق أرض سكنية
وهكذا،،،
ما شاء الله وايدين حولي قدموا ع أراضي وحصلوها خلال سنة من تقديم الطلب
وناس بسيطة مب واسطات ولا هم يحزنون
.
.
أختي أكيد طلبج ناقص أو في شي في أوراقج
لأنه لو استوفيتي كل الشروط مافي شي يمنع حصولج للمنحة
وفق الشروط المذكورة
وتقدرين تدخلين موقع الديوان أون لاين أو موقع حكومة أبوظبي للمعلومات
وبعد عن طريق هاتف الحكومة 800555
اختي إذا انتي مب مواطنة، فهم ما يعطون أراضي وبيوت حق الوافدين، اما لو كنتي مواطنة بس غير مستحقة للبيت ف ما بيعطونج، الموضوع ماله علاقة بالواسطة جوفي وين الخطأ أو شو السبب اكيد فيه سبب