أنا صح بجر بعدي وهذا أول مولود لي .. في الطريق هههه
بس أحاول اتعلم
ومن كثر ما ادور بالنت حصلت أشياء فادتني و اتمنى انها تفيدكم
اخواتي العزيزات الموضوع المهم وخاصة للام الجديدة
طريقة تحميم الطفل الرضيع ,,
اول شي يجب تكون الغرفة دافية
وتغلقين اي مصدر تهوية مثل باب مفتوح او مكيف
بعدين الاحسن تجيبين بانيو
يجب ان يكون مخصص لاستحمام الاطفال
ويوجد تقريبا بكل محلات الاطفال
مثل مذركير والصيدليات …….
وتضعينه في وسط الغرفة او الحمام اذا كان المكان مريح وكافي
وهذي اشكال لبعض اشكال بانيوهات خاصة باستحمام البيبيات
تقومين بتجهيز كافة احتياجات الاستحمام
بحيث تكون قريبه في متناول يديك مثل
الاسفنجة والفوطه والشامبو وصابون الجسم السائل
يفضل انك ماتستخدمين دش الماي
حق الحمام اذا كان طفلك رضيع
لانه مايوزن برودوة وسخونة الماء
يعني ممكن فجاءة يصير ساخن
على جلد الطفل فالأمن انك تحطين
مثل السطل تعبينه ماء دافي
وتحممين الطفل باستخدام جيك بلاستيك
يوجد اسفنجة خاصة لاستحمام الاطفال
الرضع عشان لاينزلقون من البانيو
وتثبتهم وهذي توجد باشكال
عده في محلات الاطفال والصيدليات الكبيرة .
وهي مثل هذي
طيب الحين حطيتي البيبي اول شي قومي بتحميم جسمه
قبل راسه حتى لا يشعر بالبرد اسكبي قليل من الماء
على جسمه وافركي جسمه بالاسنفجه المخصصة
للاطفال او اي فوطه ناعمه صغيرة مع صابون جسم الاطفال
ماتنتهين قومي بوضع الشامبو على رأسه
وبالاخير اسكبي عليه الماء وقومي بتحريكه
من الاجناب عشان ينزل الصابون من على ظهره
ولفي عليه الفوطه ودفيه جيداً……
والحين طبعا رضيعيه لانه يبغي يررقد حق هذا السبوح
واتمنى من الامهات الخبيرات تفيدنا .. لو غلطنا ونسينا شي
و السموحهـ
مشكوره غناتي فعلا موضوع مفيد ووايد حبيته
كوني حامل وانا بعد بجر وهذا اول مولود لي ان شاء الله
واستفدت وااااااايد من طرحج
مشكوره غناتي ويزاج الله خير
المشاركة الأصلية كتبت بواسطة تاجره ف كل شي 
كوني حامل وانا بعد بجر وهذا اول مولود لي ان شاء الله
واستفدت وااااااايد من طرحج
مشكوره غناتي ويزاج الله خير
العفو الغاليه .. حتى انا اصلن حابه الكل يستفيد منه عشان جيه نقلته
مشكورة الغالية
حتى انا استفدت و انا وااايد احاتي سالفة تسبيح البيبي 
و انا شريت هذي الاسفنجة مالة البانيو من مذكير
تسلمين الغلا ..
الصراحه موضوعج وااايد مفيد .. لاني انا بعد متخوفه من هالموضوع هههه
مشكووورة و ما قصرتي ^_^
تسلمييييييييييين حبوبة
و الله يتمم لنا على خير
مشكووووووووورة