كيفكوون
وشو هي أصعب الاوقات الي يتعبك فيها طفلك
لا تبخلوا علينا بردودكم
اشكرج ع الموضوع ميانه
انا ولدي عمره ست اشهور فديته الله يحفظه ^^
اصعب اوقاتي يوم يبا يرقد يلعوزني ويتم يصيح وانا اتلعوز
والشي الثاني يوم ارضعه يعورني هههههه ^^
واحلى اوقاتي اول ماينش يبتسم فديته ماء شاء الله
وهي يوم ابوه اشله ويطفربه يمط شعره هههه
وبس ^^
اصعب وقت يوم يمرض وماقدر اسوي شي يخليه يصح بسرعه يقطع قلبي وهوه يقول ماماتي انا في عور (يعني هوه مستويع من اللوز او الحمي)، اذا حد عطاه شي وانا ماحب هالشي مثل بطاطس وحلاوه قبل الاكل مايرضي يخليه بعد الاكل يريد ياكله قبل
احلي وقت يوم يقعد يسولف عليه ويغايضبي ويوم يبتسم فديت قلبه اموت عليه ومرات يطلب علوج او حلاوه يقول ماما وحد حلاوه بس واحد ويوم اعطيه حبه يقول ثنينه بعد (طماع بعد ما يحصل واحد يطلب الثاني) واذا خرب شي يعطيني ابتسامه عريضه وبريئة
احلى الاوقات يوم تخربط مريومه عمرها سنه و 7 شهور واتم تقول الاعداد ومن ضمن العد بطاطا وطماطه وما اعرف شو هالارقام ويوم تشوف اي شس مبين من جسمي وتقولي ماماه عيب ويوم اصارخ عليها والبسها اتم تقولي ماماه ماماه لين ارد احضنها ويوم تصعد وياي الدري واتم تقولي شوي شوي لانها طفرت من كثر ما اقولها ماماه شوي شوي حفظت الكلمه
اسوا الاوقات يوم اتم تصيح بشكل متواصل خاصا وقت النوم ويوم ما تبا تاكل الا اللي على مزاجها واذا حد بطل الباب يا ويلي تصارخ تبا تطلع واتم ماماه نعال ماماه جوتي
بس حلوين اليهال فديتهم الله يرزق كل محروم
اللهّم اغننا بحلالك عن حرامك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
احلى الاوقات يوم يقومون الصبح ويبوسوني ويقولون لي صباح الخير ماما
وأصعب الاوقات يوم أأكلهم صعب ياكلون دوم ياكلون غصب اتم احاتيهم . يعورون راسي الله يهديهم ويخيسون الدنيا وياهم .. الله يحفظهم ويبارك فيهم وفي عيال المسلمين اللهم اااااااااامين ..
مشكورة عالموضوع الحلو
احس كل اوقاتي حلوة مع بنتي يوم العبها وسبحها واكلها ونيمها عن جد كل لحظة حلوة
اصعب الأوقات يوم تسخن او تمرض تحرق قلبي
الله يحفظها ويحفظ لكل ام عيالها يارب