السلام عليكم ورحمه الله وبركاته
بنات اعرف وحده تمر بظروف شويه صعبه الفتره الحاليه
ابوها يشتغل في وحده من الشركات الخاصه في الامارات اكثر من 20 سنه ماشاء الله وله منصب كبير ماشاء الله ومعروف المهم طلبو منه ان يتقاعد مع ان عمره مب وايد في بدايه الـ40 تقريبا مع انه عنده القوة انه يشتغل وماشاء الله يتحرك وايد بس يبون يقعدونه
المشكله ….
انه لو تقاعد بيعطونه راتب شويه بالنسبه للراتب الاولاني وهو عنده بيت وعائله وتعرفون هالايام كل شي غالي .. جان يقولون له لو تريد تستلم راتب كامل مثل قبل لازم تدفع حول 500 الف !!
مب شويه هالمبلغ
الحين ربيعتي هذي تبغي تساعد ابوها بس هي عندها وايد التزامات بعد منها اقساط السياره اللي ياخذ اكثر من نص الراتب ومصروفها الشخصي من ملابس وغيره
ماعرف الصراحه شو اقولها …قلت لها انتي حاااولي تساعدينه باللي تقدرين عليه … بس اذا مارمتي انتي مب مجبره على هذا الشي اتقولي ما يهون عليه اشوف ابويه يتسلف من فلان وعلان وانا موجوده ودي اساعده بس ماعرف كيف
شو تنصحوها خواتي؟؟
ماعندي خبره..وماقدر الا اني ادعيله…
الله يوفق ابوها ويسهل اموره..ويعطي البنت على قد نيتها…
خليه يجرب يقدم مكان ثاني ان شاء الله بيحصل…
ويزاج الله خير ع طرح الموضوع
الله يعييينهم
الله يفرج همهم ان شاءالله…ومثل ماقالت ختيه ام الدويس خليه ايدوور شغل وهو هب كبير فالسن وبيحصل شغل ان شاءالله
والله مشكلة ! انزين ابوها من خلال عمله في الشركة هاي طول
هالسنين ، ما يمّع له شي ؟ مادري والله بس الله يعينه وييسر له أموره ويفرج كربه يا رب
الله يعينهم ما فيه حل الا اذا حصل له وظيفة ثانيه
الله يسهل عليهم ان شاء الله .. والله الواحد يخاف يشتغل في هالشركات !! كراف على الفاضي