سندويشات الدجاج المكسيكي بطريقتي بالصوووررررر

شو الأخبار بنات .. حبيت اعرض لكم طريقتي في صنع سندويشات الدجاج المكسيكي..

المقادير..

كيس توست جمبو
صدور دجاج مقطعة الى مكعبات صغيرة
بصل مفروم ناعم
ثوم مدقوق مع الفلفل الأخضر
3 ملاعق اكل كاتشب + 1/2 غرشة دقوس
مايونيز
زيت

الطريقة :

نخلط الدجاج + البصل + الكاتشب + الدقوس واذا تبينه ايكون سبايسي زيادة
ضيفي عليهم قليل من الفلفل الأحمر المطحون + ملح حسب الرغبة

انحط الجدر على النار وانحط فيه اشوية زيت وبعدين نظيف الثوم المدقوق مع الفلفل الحار
ونخلط وبعدين نضيف عليه خلطة الدجاج وانحرك

بعد ماينشف ماء الدجاج .. نرفعه من على النار ..

نقطع اطراف التوست وبعدين نرق التوست بالنشابة ونمسحها بقليل من المايونيز
وانحط على الطرف مقدار من الخلطة وانلف التوست على شكل رووول

ويقدم وبالعااااااافية