السلام عليكم
بنات ساعدوني ..ولدي فيه الجدري توه بادي فيه ..المشكله وايد يحك وهو بروحه ضعيف
ما يتحمل المرض ..منو عندها شي تفيدني فيه غير ادوية الدكتور
وجزاكم الله الف خير
وعليكم السلام والرحمه والبركه ..
بنتي بعد ياها … وحطيتلها دوا شعبي … لكن الدكتور قالي انه ما ينفع لانه بس ايبس الحبوب … ولازم تاخذ مضاد حيوي وخافض للحرارة وكريم يخفف من الحكه….
لا تخافين اختي .. تراه المرض بسيط لو عالجتيه من البدايه .. واحمدي الله انه ياه وهوه صغير .. لأنه الكبار أيهم على أشد …
وربي يعافيه ويشافيه ..
مشكوره الغاليه@حشمتـــــــي@ على الرد
وانا وديته الدكتور …بس بعده الحكه ذابحتنه..والحمى ما تروح حتى مع الدوا
بس احس انه اليوم اتحسن شوي
مشكوره على مرورج الطيب
اختى طقطوقه …..
انا وديته الطبيب اول ما بدا فيه المرض ..بس مشكلته الحكه
بس الحمد لله احس انه اليوم اتحسن
مشكوره الغاليه على مرورج الطيب …والله يبعد هالمرض عن الجميع
اذا انتي من العين بقولج ع دكتوره جلديه فنااانه تعالج عن الجدري
لا انا مش من العين
مشكوره الغاليه على مرورج الطيب
السلام عليكم
اختي ربي يشفيلج ولدج
اهم شيء لا تسبحينه وخليه يتهبهب يعني خففي عليه ثيابه ولا تلبسيه غير القطنيات ولو تخلينه بالملابس الداخلية بس يكون احسن
وكرمتي محارمه انتبهي انهن دوووم ناشفات لان البلل يزيده
وحطيله دواء الحكة
الحرارة تظل كم يوم بس ظلي عطيه الدواء حتى عقب ما تنزل حرارته
ومتى ما نشف الحبوب وديه البحر وسبحيه وثاني يوم بيقوم ولا كانه كان عنده الجدري
انا جيه سويت ويا عيالي الاثنين وتعالي شوفيهم ولا كانه ياهم الجدري من قبل
وربي يحفظلج اياه
بس تمي ادهنيه بدواء الحكة طول الوقت ولا تخليه بلياه لان الحبوب تقرصه فقير