شخص محتاج مساعدتكم

انا ما بتكلم عن الموضوع بالتفاصيل عشان ما اخذ من وقتكم وايد لان الموضوع طويل وايد
السالفة بدت من سنه وشي هالشخص يتيم لا ام ولا اب ولا عايلة ولا حتى عم او خال .. عايش طول عمره بروحه .. يداوم حاله حال اي واحد ومرتاح في دوامه وكان عنده خير
المهم هالشخص كان عنده شركة وكانت ماشيه على احسن ما يرام.. الموظفين اللي عنده نصبوا عليه وخلووه يدفع اللي ورا واللي قدامه المهم هو دفع مبلغ كبيييييير وباقي عليه مبلغ مب صغير بس صغير بالنسبة للي دفعه واتفق مع البنك على اساس التقسيط ومشت اموره
فجا’ وبدون سابق اصرار او ترصد تفنش من دوامه لسبب .. السبب هذا هو مرضه .. الشخص هذا طلع مريض بالسرطان الله يحفظكم ويحميكم
المهم الريال حاول مني مناك انه يرجع لدوامه لانه عنده التزامات بس ماشي فايدة .. حاله تدهور جدا نفسيا جسديا وصحيا
شهر تتحسن اوضاعه و10 شهور تكون سيئة جدا .. والله اني ما اكذب عليكم كان يمر عليه شهور بيته مافيه حتى خبز … والمرض يزيد فيه وهو ما بين مرضه وما بين الدين اللي عليه .. لا اهل لا وظيفة و لا حتى دخل يقدر يمشي فيه اموره ..
يعني ابسط شي هو انه محتاي يساااافر عشان يتعالج بس التزاماته مانعتنه من هالشي .. لازم يخلص حتى لو جزء من اللي عليه عشان يسافر والحين هو مسجووون عشان هالموضوع لان البنك يطالبه وهو ما عنده حتى درهم في مخباه … نحن كنا نساعده باللي الله يقدرنا عليه بس ايد وحدة ما تصفق
والله انه حالة هالانسان تعور القلب وخاصة انه مب كامل يعني مريض وغير هذا محد وراه

انا كتبت الموضوع هني لاني متأمله فيكم كل خير.. يا ريت على الاقل تدعوووله بان الله يشفيه لانه محتاج لدعائكم اكثر من اي شي في الوقت الحالي .. بس ياليت الدعوة تكون نابعة من القلب .. واللي تقدر تساعد باي شي فلها الاجر والثواب عند اللي سبحانه وتعالى وان شاء الله بيكون في ميزان حسناتها حتى لو كان دين

واللي حابه تعرف اي معلومات ممكن تراسلني على الخاص