شحالكم بنات والله محتاجة اسمع رايكم بالموضوع.
الله يسلمكم محتارة اشتغل الحين ولا لا انا باقيلي سنتين او سنة ونص في الكلية لاني ثلاث مرات اوقف طبعا ظروف الزواج والولادة والحين انا موقفة وبرجع ادرس شهر 9 انشاء الله بس ريلي فديته يبيني اشتغل وانا بعد لاني اريد احسن الوضع المادي وهو بصراحة يكسر خاطري فديته رغم الدين اللي عليه مو مقصر عني بشي اللي خاطري فيه اييبلي اياه .انا ابي اخلص من دراستي وارتاح بس خايفة اني ما احصل وظيفة وانا محتاية اشتغل على الاقل سنتين عسب اجمع بيزات نسدد الدين وعقب انعيش من راتبه واكمل دراستي على راحتي ما ايلس احاتي الشغل لاني ما افكر اشتغل لو وضعنا اتحسن فشو رايكم اكمل ولا اشتغل خواتي رايهم اشتغل الحين والدراسة عقب بس انا ما ادري والله.
انتظر ردودكم بالذات اصحاب الخبرة
اممممممممممممممم انصحج تدورين شغل بدون ماتظهرين من الكلية يعني داومي عادي وعقب اذا
حصلتي شغل اشتغلي ويوم الله بيفرجها عليكم دخلي جامعه خاصه شرااااايج :1 (68):
مرحبا اختي الغالية " سارونا " اللي باقيلج سنتين او سنة ونص يعني في لمح البصر باذن الله والايام تركض مابتحسين بعمرج الا وانتي مخلصة ونصيحتي لج كملي دراستج لانها بتنفعج لانج حتى ولو اشتغلتي بتتحسرين على عمرج يوم بتشوفين المقارنة في الراتب بينج وبين غيرج من الجامعيات وغير المميزات الثانية ، اما سالفة ريلج ولنفترض انج ماترومين بالمرة تشتغلين فشو بيكون موقفه ؟ هو ملزوم فيج فحاولي خلال فترة دراستج اتخففين من المصاريف واتركزين على الدراسة لان في الوقت الحالي حتى الشهادة الجامعية يالا يالا ادبرين عمرج فيها ، اختي صدقيني شهادتج هي اللي بتنفعج ويوم بتشتغلين (على افتراض ) براتب 15 الف او اكثر طبعا غير عن راتب 5 او 6 الاف بالكثير ،
فكري بعقلج عزيزتي مو بقلبج … والله يوفقج ^_^
المشاركة الأصلية كتبت بواسطة "مرحبانيه" 
حصلتي شغل اشتغلي ويوم الله بيفرجها عليكم دخلي جامعه خاصه شرااااايج :1 (68):
المشاركة الأصلية كتبت بواسطة امطار شرقية فكري بعقلج عزيزتي مو بقلبج … والله يوفقج ^_^
مشكوووووووووورة الغالية وكلامج صح امية بالامية
حبيبتي انتي كملي دراستج وبنفس الوقت قدمي على وظيفه يعني حرام
يمكن تطلعين من الدراسه وعقب ماتلقين وظيفه انتي قدمي ودرسي والايام بتعدي ومابتحسين فيها اذا انتي مجتهده بدراستج كملي دراستج احسن لج وعقبها بتحصلين احسن الوظايف
مرحبا …..
نصيحتي و أنا إمجربه الدوام و الدراسه … لا تضيعين على عمرج يوم إنه البيبي صغير ما بيحتاج لج أحينه … كل إللي يبغيه حليب و تغيير يعني الأيام بتمر بسرعه بس فكري كيف بتكملين و الولد يبغي له دراسه و طلبات المدرسه وووو………