السلام عليكم ورحمة الله وبركاته00
اشلونكم00
بصراحه انا اول مره اكتب موضوع
وسامحوني اذا كلامي ملخبط
لاني واااااااااااايد تعبانه وحاسه اني مختنقه
وانا محتاجه لكم وااااااايد
محتاجه توقفون وياي وتريحوني حتي لو بكلمه وحده
ما راح اطول عليكم وراح اقولكم مشكلتي او ازمتي
انا صار لي متزوجه 12 سنه
في اول شهور الزواج حملت لكنه نزل
وبعد كم سنه تميت اتعالج لانه صار لي عدم انتظام في الهرمونات
ولخبطه في الدوره
المهم تعالجت وايد وسويت اطفال الانابيب كذا مره لكنها كانت تفشل
وتعبت نفسيني وايد
وتناسيت العلاج فتره والفضل يرجع لزوجي هو اللي اقنعني انسي
المهم
سمعت عن دكتوره في بوظبي رحت عندها وطلبت اني اسوي
اطفال انابيب
وبديت آخذ العلاج من شهر 5
ووقت العمليه كنت خايفه وسويتها والحمد الله
وطلبت مني الدكتوره اني اكون مرتاحه ولا اتحرك من مكاني
ونفذت الاوامر لا اتحرك واكون هاديه وآخذ الدواء
وسويت كل هذا
المهم بتاريخ فحص الحمل كنت وايد خيفانه
وكانت المفاجئه يوم قالت الدكتوره انه الفحص يقول اني حامل
تصوروا بعد كل السنين الله اكرمنا وصار الحمل
وقالت الدكتوره اني اتم مرتاحه لا طلعه ولا حركه زايده
وكل ما اروح اسوي صوره ويقولوا لي كل شئ تمام
كنت اطير اطير من الفرحه
الين البارحه يوم السبت سويت الصوره وقالت الدكتوره
انه حجم الجنين واااااايد متأخر يعني نموه بطئ والين
الحين ما بانت دقات القلب وقالت الدكتوره لازم تبان الدقات
خلال عشرة ايام لأن عمر الجنين ست اسابيع وخمسة ايام
والمفروض يكون اكبر
واذا ما بانت بعد عشرة ايام يعني فيه مشكله وقالت احتمال
تنزله لان نموه وااااااااااايد ضعيف
وانا الله يعلم حالتي من لما قالت لي هالكلام حاسه بضيق
حاسه اني راح اموت من الخوف
ما تتصوروا من يوم عرفت اني حامل اشلون كنت فرحانه
الكل فرحان زوجي واهلي واهله الكل فرحان وانا استويت
اعد الساعات والايام واشلون كنت احلم واتخيله يكبر فيني
احلم اشوفه بين ايدي واكحل عيوني واضمه بصدري
تصدقون اني من كثر خوفي ودي الايام توقف
انا ادري انه اللي الله يريده راح يستوي
والمكتوب لازم يصير
سامحوني اذا طولت عليكم لكن ما عندي احد غيركم
خليكم وياي ادعولي ربي يعدي هالايام على خير وتبان الدقات
ادعولي الله يجازيكم خير
وطالبتنكم طلبه
وقفوا وياي ولا تخلوني
الله يجازي كل وحده توقف معاي وتتواصل وياي وتكون اخت لي
وتساندني في مشكلتي
والسموحه منكم0000
هلااا اختي عقد
ان شاء الله بأذن واحد احد الله يثبته في بطنج ويكون ان شاء الله بخير وكل شي يكون اوكيه وتربين وتفرحين فيه وتشوفينه وتضمينه بأذن واحد احد
ادعي ان الله يثبته وانا بدعالج
واستغفري وايد وانتي منسدحه الاستغفار وايد زين
الله يثبته وتربيين وتفرحيبه بقدره واحد احد
قلبي معاج بطمأن ان شاء الله عليج وان شاء الله رساله ثانيه تبشرينا انه كل شي اوكيه وووبعدين تبشرينا بولاده باذن الله
قلبي معاج
يقولون اللي يشوف مصيبة غيرة تهون عليه مصيبته وانا اللي ماكملت 8شهور ومتخبله قسما بالله خنقتني العبرة الغالية الله يثبته يارب ويخلي نموه طبيعي ويكبر وتقر عينج به بس انتي عليج بالاستغفار وريحي عمرج على الآخر وغذي نفسج وجان الله كاتبله عمر مابيضره شي بس انتي قولي يارب ادعي ان الله يعطيه طولة العمر
الله يطمنج الغالية ….
اهم شيء لاتفكرين ولاترهقين عمرج عليج بالراحه والاستغفار …… وربي يتتم عليج بالخير 
الغاليات000
جوري
بنت الشوامس
ام سلطان
تسلمون ما تعرفون اشكثر فرحانه وانا اقرأ ردودكم
والله ريحتوني وحسيت انكم وياي
ودعواتكم لي اغلي شئ عندي
وما راح انسي ابد انكم وقفتوا وياي
الله لا يحرمني منكم
والله انكم كنتوا عون لي
يارب يكملها وياي آمين
عذروني على الكلمات يالسه اكتب
ودموعي مغرقه ويهي
يارب استجب لي وكملها وياي يارب
ومره ثانيه اشكركم على اللي رد واالي قرأ
والسموحه
اللهم ثبته في بطنها والهمها الصبر والسلوان على هذا الابتلاء.. اللهم وارزقها الذريه الصالحه واقر عينها برؤيتهم
الله ان شاء الله يتبت لج حملج ويرزقج الذريه الصالحه…أمين