بغيت أعرف كم لازم تكون ميزانيتي للسفر إلى باريس لمدة ثمان أيام لشخصين طبعا مع فندق نظيف ويكون في الشنزيليزيه وسلامتكم
اذا تبغين 5 نجوم ولا 4 نجوم و المكان اذا في الشانز بالظبط ولا قريب من الشانز
انتي عطيني تاريخ السفر و انا بجيك لج على التذاكر و الفندق و بعطيج سعر تقريبي للميزانية ^_^
لا التذاكر عليه الغاليه بس الباقي كم تتوقعين يكلفنا الفندق ما يهمني لأني بس برقد فيه بس المهم مكان نظيف وأمان
وعن التاريخ بعدني ما حددت بس يمكن يكون في بداية شهر 5
السعر التقريبي بين 900 درهم الى 1400 درهم لليوم
و عندج كذا فندق مال عليهم كلام من ناحيه القرب و النظافه
اول الشارع عندج فندق نابليون .. و مجابلنه بشوي فندق الرويال
عندج فندق الوارويك .. بعد ممتاز ..
وعندج فندق كاليفورنيا
والفندق الوحيد اللي في الشانز و 5 نجوم هو الماريوت … و حذال سيفورا بالضبط
حلو بس عيبه غرفه صغار و عاديه مقارنة ب 5نجوم
و بالنسبه للصرف والله ع حسب انتوا كيف تصرفون
بس يعني اقل شي 100 يورو في اليوم … بدون المواصلات
قولي ل10 ايام يمكن 10000 درهم مع المواصلات
هالسعر تقريبي …
انا اعرف وحده سافرت 5 ايام سكن و مصرف كلفها 5000 درهم بـــس .. و السكن في الشانز بعد
ها كله ع حسب انتوا شو صرفكم
و الله يوفقج
مشكوره الغاليه عطيتيني معلومات وايد تسلمين بنستفيد منها إن شاء الله أروح و أتيسر امورنا
السموحة على التاخير حبيبتي و اختنا ما قصرت ..
للاسف ما سرت باريس 
و ان شاء الله تسيرين و تستانسين ^_^