مرحبا انا حامل في بداية السابع يعني توني اول يوم البارحة تعبت وياني الم في ظهري يزيد ويخف في البداية طنشت بعدين سرت المستشفى وبعد ما كشفت علي الدكتورة كانت بترقدني بس قالت ماعدنا حضانا ت دوري مستشفى ثاني بس اذا زاد الالم
وعقب عطتني ابرتين عسب تفتح الرئة للجنين وقالت ريحي في البيت
حد مر بتجربة مثل جي وبشو تنصحوني
الله يعافيج الغاليه بس ليش ترقدتج شو السبب يعني
لانه بالتخطيط يبين كل شي اذا البيبي اوكي ولا بسم الله لا
اسمعي كلامي انا اكلمج عن تجربة اكدي عليها تسويلج التخطيط يسمونه CTG
واذا طلع شي في النبض اكيد بيولدونج …..
وطمنينا عليج الغالية
قالت الرحم مب مفتوح بس ترقدي
وسمعت ضربات القلب كان اوكي حتى اني كنت احس برفساته بس هو عسب ويع الظهر لا وعطتني مضاد حيوي وحبوب هرمونات ما اعرف حج شو بس بصراحة متخوفة آخذهم
ومشكورين على الرد
بسم الله عليج اختي
انا عندي بنت اختي كانت تعبانه سراتج امس
بس هي في السابع يعني نهايته واليوم ولدوها قيصريه
لان البيبي وهي وايد تعبوا من أمس لين اليوم
وتخيلي فديتها النون مالها وزنه كيلو بس
الغاليه سيري المستشفى لاتهملين نفس الله يخليج
حبوبة أنا صارلي نفس الشيء،،
كنت في السابع،، وياني طلق (ألم في الظهر)
ترقدت عندهم يومين و عطوني ابرة عشان رئة البيبي و حطولي لزقة على بطني عشان يوقفون الطلق،،
والحمدلله وقف الطلق،، بس لازم ترتاحين على الأخر،،لا تتحركين وايد،،
لا تحاتين حبوبة بإذن الله بتكملين التاسع بس أهم شيء ريحي،،
وفي هالأمور الأفضل تراجعين المستشفيات الحكومية لأن الخاص مش مهيأين عدل حق الولادات المبكرة
عيل انا شو اقول من الشهر الخامس وانا هالآلام مب راظيه تفارجني
والله ويع الظهر والبطن ما اقدر اتحمله خاصه يوم اكون راقده واتجلب احس جسمي بينقص نصين اعوذ بالله
الحمدلله على كل حال
دعواتكم لي