السلام عليكم
شحالكم حبيباتي
حبيت اسألكم الحامل بأسبوع الثالث الى شهر بالكثير
مسموح لها تسافر خلال امارات الدوله بالسياره
مثلا من بوظبي لين راك
ولا هالشي يضرها ؟؟ بعضهم قالو عادي وبعضهم قالو لا يتعب ظهرها
وسؤال ثاني
تقدر الحامل بأول فتره تشتغل شغل البيت
اقصد طبخ خفيف و واتي وجي ؟؟
احس يعتمد ع الحرمة في حريم صحتهم طيبة ماشاء الله
و في حريم يتضررون، فانتي شوفي اذا عندج مشاكل صحية من قبل او لا
ماعندي مشاكل الحمدلله وهذا اول حمل لي
بس احاتي والله
مشكوره حبيبتي عالرد
الاحسن ماتسافرين خلال الثلاث شهور الاولى لان الجنين فمرحلة التثبيت
روحي دبي اقرب او تحوطي بابوظبي ومبروك
ـ انتي مابتعرفين انج حامل الا بعد اربع اسابيع يعني شهر و في هالوقت ماتحسين انج حاامل لانه توا في البداياات.يعني اختي احس مافي شي يستدعي القلق مدام ماعندج سوابق او حاله
ـ توكلي على الله وبس انتبهوا عالطريق و الله الحافظ
ـ ـ و طبخ خفييف اكيد عادي بس لا تشلين شي ثجيل لا توخين و اوتي احسن تريحين ودي اللاندري
ـ و حطي في بالـ ج انه الله حافظ الجنين
يزاكم الله خير حبيباتي
بس تدرون شو المشكله ان ريلي الله يهديه شوي يسرع بسواقته بعد في راك الشوارع مب نفس بوظبي ف عشان جي احاتي
امس كنت وياه وكان مسرع وشوي المطبات واللفات ضايقتني لما رجعت البيت حسيت مثل الم دوره خفيف .. مادري نفسياً لاني كنت احاتي ولا صدق يخصه
عشان جي متردده
بخاطري اروح ونفس الوقت احاتي
المشاركة الأصلية كتبت بواسطة بنت الشوامخ 
بس تدرون شو المشكله ان ريلي الله يهديه شوي يسرع بسواقته بعد في راك الشوارع مب نفس بوظبي ف عشان جي احاتي
امس كنت وياه وكان مسرع وشوي المطبات واللفات ضايقتني لما رجعت البيت حسيت مثل الم دوره خفيف .. مادري نفسياً لاني كنت احاتي ولا صدق يخصه
عشان جي متردده
بخاطري اروح ونفس الوقت احاتي
الف مبرووك حبيبتي ع الحمل والله يثبته ويحفظه
انا اشوف مافي داعي للخوف
وبخصوص السرعة قولي لريلج يسوق شوي شوي عشان ولده اللي فبطنج اكيد بيهتم اكثر 