السلام عليكم و رحمة الله و بركاته
خواتي بغيت استفسر عن حملات الحج ..
بخصوص اللي حجوا العام .. يا ريت تخبرونا عن الحملات الزينة اللي تعاملتو معاها من حيث الخدمات و التوقيت و السعر او اي تفاصيل ثانيه ممكن انها تفيدنا ..
طبعا .. السفر عن طريق الجو
لاننا هالسنة ان شاء الله ناويين نسير .. بس مب عارفين اي حمله زينه و مجربه
اتمنى تساعدوني في هالشي .. الله يوفقنا و اياكم
و يزاكم الله خير 
نحن في العمره من سنتين .. تعاملنا مع مكتب الفجر براس الخيمة .. ما شاء الله عليهم .. ما قصرو
بالنسبة للحج: سمعنا عن ابناء السويدي .. لكنه شوي غالي
بغيت اعرف شو من حملات ثانيه ارخص و تكون زينه
وصباحكم خير يارب
حبيبتي بغيت اكتبلج تجربة اختي واخوية العام راحو الحج مع حملة قريش واللي هي نفسها العاصمة
قريش في الشارجة والعاصمة في أبوظبي
كانت ولله الحمد روعة بكل مافيها
لأن حد من الاهل رايح بحملة ثانية ما يحضرني اسمها الحين بنفس سعر حملة قريش
لكن فرق في اماكن السكن والتسهيلات الثانية والتنظيم
طبعا الحج كان سريع 8 ايام اتوقع وكان سعره 18 ألف و 500 درهم
واهم شي في منى يسكنون الأبراج مب المخيمات
وسعرها هالسنة لأني سألت قالولي 22 ألف و 500 درهم
ونفس الشي في ابراج منى حج سريع 8 ايام
والله يرزقنا وإياج وجميع المسلمين أداء هذي الفريضة بيسر وسهالة يارب
وأي استفسار ثاني انا حاضرة وياريت اتنبهيني عالخاص اذا حطيتي أي سؤال لأني نادرا ما أرجع على نفس المواضيع
رررررررفع
انا حجيت العام مع الحملة الذهبية في دبي , وااايد زينه , وارتحنا وياهم
وكان الحج السريع 8 ايام ب 17000 , والحج العادي ب 25000
بس السنه وااايد رافعين الاسعار . الحج السريع استوى ب 26000 !!!!!
حرام عليهم , كل سنه هالحملات يرفعون الاسعار بالهبل , وعلى كيفهم
ماشي رقابه عليهم ,ولا قوانين , ولا اسعار ثابته
الحين اللي ما حجوا ,وظروفهم الماديه تعبانه , كيف بيحجون ؟؟؟
والله في ذمتهم , وفي ذمة وزارة الاوقاف اللي عايبنها هالوضع وساكته
احسن حملة بش
هادة الجميع حملة الفجر حتى خذوا شهادة تميز بسبة الخدمات وصاحب الحملة بنفسه يتفقد الحجاج وشو يحتاجون
بصراحة ونعم الحملة حتى اني انا يوم كنت ادور على حملة من الجوجل كان الكل ينصح في الحملة وعلى فكرة موووول مب ماديين واسعارهم اقل من كل الحملات
المشاركة الأصلية كتبت بواسطة عطر 77 
وكان الحج السريع 8 ايام ب 17000 , والحج العادي ب 25000
بس السنه وااايد رافعين الاسعار . الحج السريع استوى ب 26000 !!!!!
حرام عليهم , كل سنه هالحملات يرفعون الاسعار بالهبل , وعلى كيفهم
ماشي رقابه عليهم ,ولا قوانين , ولا اسعار ثابته
الحين اللي ما حجوا ,وظروفهم الماديه تعبانه , كيف بيحجون ؟؟؟
والله في ذمتهم , وفي ذمة وزارة الاوقاف اللي عايبنها هالوضع وساكته
فديتج مب هم الي يرفعون الأسعار
الي يرفع الأسعار المطوفين في السعودية يعني تلاقينهم يرفعون على أصحاب الحملات أسعار الغرف وأسعار المخيمات ومن هالقبيل هذا الي أعرفه
والحمد لله الاوقاف ماتقصر في هاي المواضيع ومرتبه الأمور
بس الاسعار تختلف على حسب الاماكن الي تحجز فيها الحملات والطيران والفنادق والخدمات
هذا والله أعلم