السلام عليكم خواتي الحلوات اول شي انا قصتي قصة اكيد في احد منكم قرا موضوعي قبل عن السمنة اعاني منها واااايد لدرجة اني كرهت جسمي صج والله يوم انا ماعايبني شكلي كيف ريلي عيل ميقول لي شي بس احس فيه انا دوم اقول ببتدي باجر وباجر وبس فيني تكيس بعد و فيني ربو زاد علي بعد المتن اكثر ظهري يعورني وايد مرات مااقدر اتحمل الويع ماحملت بعد لين الحين من 5 سنوات مافيني شي سويت تحاليل غير التكيس و قالت لي الدكتورة من المتن اخف احسن لي لان الكرشة عندي وايد نازلة وكبيرة شوي لو لا الطول جان صج مابطلع من الباب تعرفون وزني 112 وطولي تخيلوا 166 يعني 50 كيلو زيادة الله يخليكم خواتي والله ابا احمل بس ابا منكم تدعوا لي والله غير الله ماعندي احد بعده الا ريلي وبس ومن اشتركت في هالمنتدى ماتتصورون اشقد ارتحت لان لقيت لي خوات فالله ينصحوني يدعولي اخذ منهم الخبرة ويجابون على اسالتي صج والله اشكر هالمنتدى الغاوي عسى ربي مايحرمني منكم ونتلتقي فالجنة باذن الله يارب ويفرحكم مع اهاليكم وعيالكم ورياييلكم يارب ويرزق كل محرومة بالذرية الصالحة يارب ويعطيكم الصحة والعافية ويطول في اعماركم ةيجمعنا فالخير ويبعدنا عن الشر امين يارب العالمين انشاء االله راح اكتب كل اسبوع كم نزلت وشو اكل والرياضة اللي امارسها وعلى فكرة عمري 24 لكن اللي يشوفني اكثر يقول بي ربي يوفقني ادري وايد طولت عليكم شو اسوي ماعندي احد اكلمه او اكتب له غيركم اسفة
الله يوفقج حبيبتي و يرزقج الذرية الصالحة ان شالله
افا عليج اخية كلنا انعين و نعاون
يلا شدي حيلج و نحن بنشجعج و ان شالله بتضعفين ما في شي مستحيل ما دام الارادة موجودة
أنت تقدرين,,,,,,, أنت قوية,,,,,,,,,,,إرادتج قوية,,,,,,,,,البنات الي خفن وضعفن مب أحسن منج,,,,,,
يا الله شدي حيلج وراوينا الشجاعة,,,,,,,,
أهم شي حبيبتي قوة الإرادة……حاولي تخففين من الأكل وكثري من الفواكة والخضروات
وخففي من الدهون والنشويات والسكريات,,,,,,,لمدة أسبوع وشوفي نفسج شو رايج بعمرج
بتكملين والا لا ,,,ترومين إن شاء الله ….
أستمري يوم يومين ثلاث وبعدين بتوصلين الي تبينا ,,جربي بعدج صغيرة ,,,,,,
وبعدين كثري من الأستغفار والأذكار والله بيساعدج ……والدعاء في السجود وفي كل وقت..
الله يوفقج ويرزقج كل ما تتمنيه حبيبتي و يرزقج الذرية الصالحة ان شاء لله …….