هذا موضوعي الاولي
https://forum.uaewomen.net/showthrea…ط¨ظٹ-ط¹ظ„ظ‰-ظ‚ط¯-طط§ظ„ظ‡
هو بيسويلي عرس وملجه
باللي يقدر عليه
لكن اهلي مب راضين ولا عايبنهم
لانه ماعنده وايد فلوس
بيسويلي حفلة ملجه وعرس
لكن امي تبا ملجه في قاعه
وتبا مهر وقدره عشان وحده من اهلي مب مواطنه وخذت نفس المهر
تقول انتي مواطنه هي مب احسن عنج
وتبا ملجه في قاعه عشان بنت ربيعتها سوت ملجتها في قاعه
وتباه اييب اسبوع فواله وصبابات بيتنا عشان اونه نحتفل قبل العرس اسبوع كامل
وتباه ياخذلي سياره بعد
وتقول لازم يشتري ماجله للبيت واييب دلال وفنايين عشان نضيف الناس
الريال يقول بيسوي اللي يقدر عليه
ويعني لين الحين هو وايد زين ومتمسك فيني وامه طيوبه تعتبرني مثل بنتها
هو بيسكني في بداية زواجنا في بيت زوج امه لين ماتتيسر اموره
وانا الريال عايبني وداش خاطري وصليت استخاره اكثر من مره وادعي في كل وقت استجابه
اذا كان خير لي ربي يقربه لي واذا كان شر ربي يبعده عني
وكل مايتكنسل الموضوع يرد ينفتح
بس المشكله في امي
تقول انا يبتج للدنيا مالج حق في اي شي
انتي بس تجهزين نفسج
مالج حق تدخلين كم نطلب وشو نسوي
وقالت اذا تبينه روحي المحكمه بطرش ابوج يوقع ومابغي اجوف ويهج مره ثانيه
وابوي مايقدر يقول لها شي
واخواني مايدخلون حتى
والله انا قلبي تعلق فيه وعايبني
بس ماعرف شو اسوي
احس اني سلعه اهلي يزايدون عليها منو يدفع اكثر
تمت الموافقة
االله يكتب لج الخير يارب
واتمنى تحطي شرط السكن لوحدك عشان تبتعدي عن المشاكل
والتصادم مع اهله
والله يهدي امك للصواب
الله يهدي أمج أختي . هذه طلبات تعجيزية بصراحة ! الحمدالله انا زوجي وأهله مقتدرين جداً وعندهم خير الحمدالله بس ما طلبت ذه الطلبات وحتى ماسويت حفلة ملكة وانا اللي ما بغيت حفلة الملكة لأنها مخاسير بدون داعي . .أختي هذه كلها مظاهر واسمحيلي وسطحية تفكير . خلي كل هذه الطلبات ما بتنفعج صدقيني , والناس ما بيعجبها شي ما بتقدري ترضيهم مهما سويتي . أكثرهن بركة أقلهن صداقاً .
من رأيي تلغي حفلة الملكة وتطلبي من زوجج تسكونوا في شقة أو بيت اجار بفلوس حفلة الملكة أبرك لكم .وسالفة نحتفل اسبوع قبل بصراحة هذااسراف وتبذير ما يرضي الله. الله يوفقج أختي ويكتب لج الخير ز
امك تطلب طلبات تعجيزية عشان طفش الشخص .
حلك الوحيد الدعاء وقيام الليل والاستغفار والله يسهل عليج ويكتب لج السعادة
ماعرف شقولج الصراحه امج واضح انها ماتبا الريال وتبا اطفشه
يا انج اتحاولين تقنعينها او انج تنسين الموضوع ابدا لاتفكرين تاخذينه وهي مش راضيه عنج ما بتتوفقين
الله يعينج حبيبتي
الحل النهائي
الشاب يزوركم في البيت لوحده ويكون مع امج وابوج وهم يتفاهمو معاه وهو يصارحهم بكل شي من اجل انهاء الموضوع اما ينتهى لعرس او ينتهى يجوف له بنت حلال اخرى
بالتفاهم يكون افضل من ناحيته هو
ولكن نقطه اتمنى تقترحى عليه يشوف سكن مستقل شقه صغيره مناسبه لكم افضل من السكن مع زوج امه
القرار لج وله هو اقتراح قدر استاجرو ماقدر تفاهمو
مثل ماقلت الحل النهائي يجى يزوركم في البيت والكل يضع النقاط على الحروف يمكن في الزياره تتبدل الامور
حبيبتي ما اعرف كيف نظام الخطبة عندكم
لكن عندنا الحريم مالهم كلمة بعد رمسة الرياييل يقعدون ويحددون المهر والزهاب وتجهيز العروس وفلوس الام والذهب تبون الفلوس او أهل المعرس يشترونه اما السوالف الثانية انه أسبوع العرس وغيره هالشي بعد الملجه محد يقدر يرمس غير العروس والمعرس لو ام العروس تبي بتخاف يطلق بنتها وخاصه لو عرفته عدل بتعرف انه هو على قده ويعتمد على شخصية الريال صح يرضي عمته لكن ما على حساب انه ينسجن او يتبهدل بسبب ليلة وحده
انتي استخيري وخلهم يسوون اللي يبونه واذا لج نصيب وياه هو بيقدر يتصرف