تعقيب 1 | زوجي هرب ليلة زفافنا

اشكركم خواتي على ردودكم الطيبة
بس حبيت اقول حق اللي قالو اني قاسية
حاولت انظى لكن فاقد الشيء لا يعطيه لو هالزوج احتواني وقدر حجم الموقف اللي حطني فيه و حاول يتصالح وياي
كنت نسيت و رميت الماضي وراي لكن طبعه كان قاسي لابعد الحدود لا معاملة ولا تقدير عصبي لدرجة الجنون
ما يحترم صغير وبا يقدر كبير سليط اللسان عنيد بطريقة مو معقولة لدرجة ان الكل ينفر منه لا صديق ولا حبيب
مرة اشتكاني لوالدي فتدخل المسكين لحل الخلاف من كثر عناد زوجي والدي طلب منو انو يطلقني
لانو ما تخيل يوم اني اعيش مع شخص لا يحتمل
يمكن تقولو مبالغة
انا راح اقلكم على معاملته لوالدته العجوز اللي تبلغ من العمر 90 سنة
والله والله شاهد انو ما يحترمها كل صراخ بوجها في بعض الاحيان اتدخل للدفاع عنها
عندها منحة تقاعد زوجها حارمها منها ومخليها للعوزة والدموع وسوءال الناس
اما انا بيحرمني من كل شيء لابسط سبب تدرون ستة اشهر ما عطاني مليم و الله ما تهمني حالتي لان لي اهل بيعطوني اللي ابيه والحمد ل الله كل اللي كاس خاطري امه المسكينة ساعات والدي وخواني يعطونها فلوس
اللي ما يرحم امه كيف انطر انو يكون رحيم معي
حبيت بس اوضح الامور القصة مو قصة ليلة زفاف وفستان القصة قصة شخص عنيد وعصبي اللي خلاني كل يوم احقد غليه اكثر
وانكد عليه زي ما نكد لي حياتي
بنات ارجوكم ادعولي بصلواتكم ان الللله يهديه ولين قلبه على الاقل اتجاه امه العجوز واتجاه اولاده لانو قاسي معاهم وله سنة ما يكلم بنته وتسبب لها بنهيار عصبي ليلة عرسها ولسبب تافه والله شاهد البنات تفرح بليلة عرسعم وبنتي تم يضايق فيها لين حصل معاها انهيار عصبي
الله ايكون بعونا جميعا وعوضنا خير
حبيت بس اوضح الامور ومشكورات على تفاعلكم وجزاكم الله خير

بس هل جزاء الحقد ،، الحقد؟

انتي ما تتكلمين عن اسبوع او شهر او سنة،، اختي انتي صار لج متزوجة ماشالله 25 سنة تقريبا

الحين شو فايدة الكلام،، والله الكلام لو ييب نتيجة بنيلس وياج نتكلم لين تنحل
بس المشكلة اللي وياج كبيرة وللاسف انتي ما بينتي في الرسالة الاولى ان كيف ريلج وياج

انا عن عمري فهمت من موضوعج ان ريلج صح انه غلط وياج ليلة الدخلة وبالمقابل انتي يلستي 25 سنة تذوقينه المذلة اللي ذلاج ليله الدخلة
ما وضحتي انه لليوم عنيد وشري، الله يصلحه ويهديه يا رب

اختي ما عرف انتي شو ضروفج وشو موقف اهلج وانتي من وين و و و وااايد امور

يا انج تصبرين عليه وتاخذين الاجر ،، عسى ايامج تمر وانتي تتقربين من الله سبحانه اكثر عل وعسى ريلج يتحسن

او انج تتطلقين منه وترتاحين،، طبعا مب قصدي تتزوجين ثاني لان هذا نصيب،، بس عالاقل تكونين ارتحتي من الهم اللي انتي فيه وتربين عيالج وتعطينهم مساحة يتصرفون بدال ما ابوهم ييب لهم انهيار عصبي
الواحد احيانا يقول طز في كل شي بس خلاص ابا ارتاح

انتي ادرى في ظروفج شو الحل انسب لج بس فعلا احيانا الانسان يطلع عن طوره

يلسي ويا ريلج واسأليه،، شو فايدة هالاسلوب والضرب والقسوة وطولة اللسان والاهانات والبخل و و و ،،، انت ما تخاف من الله؟ شو جمعت للآخرة،، شو بتقول لرب العالمين شو سبب هالتصرف؟
انت بتتحاسب عن افعالك،، انت بروحك،،، محد بيساعدك لا قريب ولا بعيد،،،