السلام عليكم خوتي
اتمنى ألقى عندكم المساعدة
راسي بينفجر !!
بنتي الله يهدها عمرها 5 شهور … يوم بتي تنام فليل مناحة !!!!
عادي تكمل نص ساعة صياح
تصيح وايد وبصوت عالي
بس تبا اتم ترضع من صدري لين ترقد.. أن مابغي أعودها على هلحركة ..
وساعات من التعب يوم أخليها ترضع لين ترقد وأشلها أحطها علسرير تقوم وصريخ من أول ويديد .. لا هز لا مصاصة فدت !!!
تعبت وايد أعصبي تلفت
و الله ساعة شوي وبدحنها !!!
شو الحل وياها
والله بصيح !!!!
الله يعينج
أهم شي إذا تبين تغيرين عاده أو روتين معين خاصة ويا اليهال أنج تتحملين بيصيحون مره مرتين ثلاث بعدين بيسكتووون وبيتعودون عالنظام اليديد
ويمكن فديتها تصيح من التسنين أنا ولدي جي مرات يصيح بدون سبب ما نعرف شو فيه
شوفي بتصيح يوم يومين بس ورا اسبوع بتعود ان شاء الله..
و دكتور قالي البجي زين حق الرئه فلا تخافين..
بس تأكدي ان مو تسنين و اذا تسنين عطيها بندول و دهني لثتها بمرهم..
والله يعينج..
ما فهمت خواتي يعني أخليها تصيح؟
مشكله ممكن اتم ساعة تصرخ عادي ؟
وهل جربتو ونجحت التجربة عندكم؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله يعينج انا بنتي جاانت كبرهاا ما شاء الله عليهاا جان هاديه ما تصيح وايد بس تصيح يوم جون يوعانه
انتي وديهاا عياده يمجن فيه لتهاب في اذن قوليلهم بنتي وليل وايد تصيح تصارخ يمجن يعطوج حل او
قري عليهاا دلكيهاا قبل ما ترقد بزيت دافي الله يحفظهاا يارب
الله يعينج الصراحه
يوم ترقد صبري شوي بعدين حيطيها في منزها ، ،عالخفيف هزيها آو لحفيها سيده بشيتلتج عشان تشم ريحتج ، تكمل رقادها