السلام عليكم ورحمة الله وبركاته
خواتي ابغي مشورتكم بنتي هلكت من الكريمات واااااااالسودوا كريم
بس من فترة قريت موضوع في النت اتقول النشاء الي تعرف اتمنى انها تخبرني
او اتقولي شو الحل بس اتمنى انه طبيعي مب كريمات حرام هي عمرها خمس شهور
وديها المستشفى ويعطونج الكريم المناسب لها على ما اظن ما في حل غير ها الكريمات
اخيت استعملي لها كريم شي وبعدين كورت. بس يومين لان طول الفتره يستوي اليلد ابيض. ليومين فقط واسالي الصيدلي انا مثل بنتي محد عانا اعتقد مسكينه لمل يلدها تقشر من الوصفات حديقول ياس وحد يقول حنا والي منه مافادها الا هالكريم وكل الي ارعفهم اعطيهم هالاسم لليب الحين عمرها سنه اذا يستوي لها احمر احط لها نتفه ويصح الحمدلله تراه فيه كورتيزون وعادي الطبيب عطاني اياه
حبووبه
الاحمرار انواع ..
اذا هو من النوع العادي يعني بس احمرار عليج انج اتغساينها بدون صابونومن بعد ذلك اتنشفينها عدل واتخلين المنطقه المحمره بدون بامبرز علشان ماتحسس ومن بعدها حطيلها بودر اطفال ولبسيها بامبرز
واذا الاحمرار له رؤؤس بيضاتحتاج ايشوفها دكتور + اطبقين الخطوات اللي خبرتج عنها
وسلامت البيبي
بنتي مرة احترقت من تحت بسبة اسهال (استمر 10 أيام) استخدمت هالطريقه والحمدالله افتكت ..
حطيلها من العايدين الأزرق وحطي عليه طبقه من كريم ميبو(طبيعي ومافيه كورتيزون) وبعدين طبقة فازلين ورخي البامبرز ولا تسكرين الفانيله الداخليه ..
وماتشوف شر ان شاء الله
سبحان الله كل ياهل يختلف عن الثاني .. انا اللي والم عيالي سودو كريم .. حتى يوزعون منه عينات في مستشفى دبي يوم تربين ..
خلي البنت للهوى شويه فسخي عنها الحفاض !! و جربي وياها الكريم .. واذا ما نفع وديها العيادة يمكن تكون حساسية او اكزيما !!
والله يشفيها يا رب
الغالية
خلطي ملعقة نشأ +ملعقتين زيت زيتون لين ما يستوي مثل الكريم
وحفظيه واستعميليه لها كل مرة
وممكن تستخدمين بعد ما تغيرين لها الحفاضات تاخذين اكياس ليبتون وتحطينها للها داخل الحفاظ من غير ماي
لانه لما بنتج تسويها(تبول) تبلل اكياس الليبتون وبالتالي يفرز الليبتون مادة تساعد على الحد من الاحمرار تحت الحفاض