بعد عمليه القلب المفتوح

بسم الله الرحمن الرحيم
خواتي العزيزات، البعض منكن يعرفن ان بنتي الله يخليها سووا لها عمليه قلب مفتوح من 3 اسابيع، و الحمدلله، العمليه نجحت و البنيه بخير.
اللي ابي اسأل عنه عزيزاتي هي اثار الشق اللي ع الصدر، طبعا بعضكن بيقولن متفيجه، بس لأنها بنيه الله يخلي عيالكن، ما ابي الاثر يتم على صدرها، و تتعقد منه لما بتكبر الله يحفظها، الشق طولي من اول القفص الصدري، لين اخره، و فيه اثار الفتحات اللي كانت فيها التيوبات!
سمعت عن لزقات كولاجين لبعد العمليات الجراحيه، و قال لي الدكتور عادي اسوي لها عمليه تجميل لما تكبر، عاد انا عمليه وحده و قلبي وقف، اوديها عمليه ثانيه!
اللي تعرف عن اللزقات الكولاجين، ولا تعرف عن ياهل او شخص سووا له عمليه فيها شق، كيف الاثار بعد سنه او 10 سنين تكون؟ لأنها اذا ما راحت، ممكن اسوي لها التجميليه من الحين، قبل عن تفطن للدنيا!
ادعوا لها فديتكن بالشفاء التام و ادعوا لخوانها ان الله يحفظهم

الحمد الله على سلامتها …

الله يسلمج اختي ظبيه دبي من كل شر، و يحفظ لج عيالج و اللي في بطنج يا رب
تسلمين اختي الغاليه ع الرد، و توني ادري عن الليزر للآثار، يبالي ادق عليهم و استشيرهم!
خواتي العزيزات، عطوني ردود اكثر و تطمني مثل ما طمنتني اختي ظبيه دبي عسا ربي يخليها، الله يحفظ لكم كل غالي

الحمدلله على سلامت بنتج… تستاهلين سلامتها ^^

اول شي الحمدلله على سلامتها البنوته
وبعدين اتريي شويه لين ما تكبر احسن
لكني ما قد سمعت عن لزقة الكولاجان

ماعندي فكره بس الله يعافيها أن شالله وتكبر وتستوي عروس وأحلى عروس ويروح عنها كل شي

المشاركة الأصلية كتبت بواسطة ساحرة العيون

اول شي الحمدلله على سلامتها البنوته
وبعدين اتريي شويه لين ما تكبر احسن
لكني ما قد سمعت عن لزقة الكولاجان

هلا اختي، الله يسلمج من كل شر، اختي انا فكرت اسوي التجميليه الحين دامها بعدها في فتره النقاهه! عسب بعدين ما ترد تتلعوز، بس قبل هالشي، بدور الحلول الثانيه و الابسط ان شاء الله!
مسكوره ع الرد فديتج

المشاركة الأصلية كتبت بواسطة mrym

ماعندي فكره بس الله يعافيها أن شالله وتكبر وتستوي عروس وأحلى عروس ويروح عنها كل شي

آمين فديتج، الله يسلمج الغاليه، و مشكوره عزيزتي ع الدعوة اللي تبرد الفواد!