بالله عليكم قولولي منو الغلطان

كيف الحال بنات حريم
الله يسلمكم عندي جاره بيني وبينها جدار وايد احبها وعادتنها مثل الاخت
ترى السالفه طويله تحملوني لوسمحتن ^o^ المهم واحب استشيرها في امور كثيره وماشاءالله عليها دايما نصايحها ذهب جزاها الله خير ‘بيني وبين جارتي هدايا بسيطه مثل ملابس حق البنات او اطرشلها وجبه وهي نفس الشي ومره سافرت عنها مده وجبت لها خاتم ذهب وماعيبها اني اهديها شي قيم ف ستكثرت الهديه فقالت لي لما تربي برجعلج قيمة الخاتم وبالفعل ربيت وعطتني قيمته’المهم جارتي من ثلاث اسابيع سافر ريلها يأدي مناسك العمره وتمت هي وطفلتين وطفل في البيت وخلال سفر ريلها كنت اطرش لها كل ثلاث ايام غدا ومره اشتريت لها لحوم ودجاج وخضروات وفواكه وهالسوالف
فقالت لي لبش يايبه لي هالاغراض وانا مش محتاجه ابو العيال اشترى كل شي حق البيت قبل لا يسير فقالت انا بشل الاشياء الي مب موجوده عندي وبرجع لج الباقي قلتلها انا عندي شاريه حق نفسي قالت انا شو بسوي فيه بيخترب قلتلها اوكي مب مشكله فشلت شي بسيط ورجعت الباقي
وبعد اسبوع رحت خذت لها اغراض مره ثانيه وعطيتهم اياها واتصلت فيني وكان وقت رقاد بالليل فاقمت الصبح اتصلت فيها يوم كلمتها كانت وايد زعلانه قالت لي امس ماقدرت انام الي تسونه حقنا وايد ليش يبتيلي سامان انا اسفه ما اقدر اخذهن بحطهن عند بابج فقلت لها يا فلانه نحن خوات وابو العيال يوم يكون موجود انا ما اخذ لج سامان وانتوا ناس غالين علينه ورسولنا صلى الله عليه وسلم وصانا بالجار قالت ولو الحين برد سامانج اسمحيلي و’قلتلها مافي اشكاليه يا فلانه ودقت الجرس ورجعت كل شي وريلي فتح لهم الباب والصراحه ما عيبه قال اول مره ردتهن وثاني مره بعد خلاص ما بنوديلهم اي شي واذا يابولنا شي ما بنرجعه بس بنعطيه حق اي حد دام هي ما تريد منا شي ما يصير نحن ما نعطي بس نستقبل وقال بلغي جارتنا بهذا الكلام انا لما كلمتها حسيتها ما اهتمت وتمت تضحك قالت قولي حق ريلج ان انتي تحبي اكلي وكانت تضحك
المهم امس ريلها وصل من العمره وهي مسويتله وليمه فاتصلت فيني قالت لا تسوي غدا انا بيب لج قلتلها والله يا فلانه انا بشله ماغي مشكله بس ريلي فال الي تيبينه بنهديه حق ناس”مع اني اقدر اخذه منها واتصدق فيه بدون ما اخبرها بس هي بتسالني شو رايج بالاكل وانا مب مستعده اكذب عليها ‘من قلتلها هالكلام قامت تصارخ انتوا ناس تعاملونا وحده بوحده وخلاص انا ما بطرش لج اكل اصلا انتوا تتعبوني لما تيبولي اشياء واتهينوني وماحترمتوا مشاعنا واحاسيسنا واذا انتوا بتتصدقوا في الاكل انا اولى اني اتصدق فيه وبعدين زوجي جايب من العمره هدايا للبنات وقلتله اذا بيتصدقوا في اكلنا ما بنعطيهم هدايا ‘انزين دام انج تعرفين ان بنتصدق فيه ليش تتصلي وتقولي بيب لكم غدا وله هي حابه تسوي مشاكل مب عارفه وخلاص انسي يكون من بينه اخذ وعطا وحتى خاتمج الي يبتيلي اياه من قرابة السنه برجعلج اياه لحين وبالفعل رجعته وسكرت في ويهي التلفون ‘وانا ما رجعت لها اي شي من اغراضها قلت عيب ارجعهن بصير احسن عنها وريلي حاب يرجعهن
وبسسسسس
شكرا قراتوا موضوعي بس حابه اعرف هل انا الغلطانه واذا تعرضتوا لنفس هذا الموقف شو بتسون؟

ياختي الناس تغيروا …سبحان الله
الحين الكل يفسر ان عطايا الغير انهم يتصدقون عليه
كان قلتي لها انتي ما تقصرين ويايا وهذا رد للجميل ونحن خوات ما بينا كلافه
ويوم ريلي بيسافر رديلي السامان …وحده بوحده عشان تعرف انه سلف ودين
دامها طيبه وهي جارتج والرسول صللى الله عليه وسلم وصى بالجار لا تقطعينها
والله يديم المعروف بين عباده
ذكرتيني بالزمان الجميل وين انتو ساكنين بي اسكن عدالكم ههههههههههه

الله يعينج اختي وانت مب غلطانة . بس يمكن جارتج تتحسس من اقل شي . الله يعينج

انا احس عادي ان جارتي تييب لي اغراض واودي لها اغراض بالعكس حلو هالشي بس يمكن هي تتحسس من هالموضوع وغريبة انه تعتبره اهانة

والله يديم المحبة والمعزة بينكم ان شاء الله

هو عادي بس كونج تييبيلها روشن وريلها محد مب حلوه مبين كانها محتاجه و فعلا تحسسينها انها ما لها حد يبي بس مب روشن وجي و مب لدرجة ان كل مره العلاقه اللي بينج وبينها صارت تطلع تبين يعني اكيد ريلها بيتحسس لو شاف ان هي عندها خاتم منج وغيره وغيره و تدرين الناس مب نفس قبل الحين و ما كان له داعي تقوليلها اللي ريلج قاله لانه جرحها و الله يهدي النفوس

انا حسيت انج يالسه اتحسسينها ان ما عندها
ف اكيد بتحس بالاهانه
خاصة قلتي بنتصدق ف اكلكم

الله يهدي النفوس ان شاء الله

هههه لاحول ولاقوه الابالله عادي تهادو تحابو وين المشكله ولله اتمنى حد ايب لنا فص ثوم ماشي بس انشم الا روايح طباخهم موضوع بسيط ولحد غلطان منكن بس مشكله عناد وسوء فهم تقعدن ويا بعض وقرقرن وتنحل المساله ويادار مادخلج شر