اليوم كان عندي موعد عيوم في الصفا رحت و ياليتني مارحت
سرت الصبح بدري الساعة 7 و نص و بعدين في الرسبشن قالولي لازم اول شي تروحين للدكتورة عشان توافق انج تدخلين عندها (( لانه عندي تحويل ارجنت بس موعدي على شهر 6 و قالولي لو الدكتورة طاعت اتدخلج عادي بنظهرلج الفايل مالج))
انا عاد سرت للدكتورة اتخبرها شفت باب الغرفة مفتوح و مالمحت حد عندها غير ممرضتين قلت في خاطري الحمدلله محد يا قبلي احسن عسب توقع على حالتي واروم ادش عندها اليوم
دقيت الباب مرتين و قلتلها good morning و ابتسامة عريضة على شفتي :22 (6): متفيجة
ترا الدكتورة اجنبية كانت اليوم …….
المهم ..وقفت شوي على بال ما تتكرم و تلفتلي و تلبس نظارتها يعلها العمى انشالله
واول ماشافتني تقولون شافت ابليس :1 (49):
على طول صارخت و قالتلي انتي كيف دخلتي هني انتي كيف تدخلين و في مريضة (ترا الي ماكنت اعرفه انه الممرضة الثانية كانت اهي المريضة ) طيب انا ماادري
و طلعتني برة و انا مبهتة ايش فيها هذي تصارخ و معصبة و شايفه نفسها علينا جنها بلادها هي مو بلادنا و نحن الي نشتغل عندها و انا المشكلة بسبة ردة فعلها الي ماتوقعته ماعرفت ارد عليها وقفت نفس الهبلة .gif "12 (46)")
حمدلله محد كان اتفشلت
تدروون كنت بصيح والله بس حشت دموعي مو متعودة حد جي يكلمني انا وايد حساسة و عمري ماصارخت على حد و لا حد صارخ علي بس شكله الطيب هذا الزمان ما ينفع لازم واحد يكون عنده لسان عشان محد يتعدى على حقوقه و هذا الي ناوية اتعلمه من الحين
قلت انزين انا اراويها والله اشتكي عليها
و كنت خلاص برجع البيت و بخلي زوجي يوديني مستشفى خاص مالت عليهم بس رديت قلت ماعليه اتحملي الحين وبعدين يصير خير كنت مضطرة لانه عيني كانت تعورني و ابا اي شي يريحها
و نجي الحين لنحاستي الي مو قادرة اهرب منها
المدير اليوم و باجر في اجازة .gif "12 (85)")
و حتى في الادارة مافي اي حد اليوم عسب تقديم الشكوى نحاسة صح
بس انا قلبي كان وايد يعورني لدرجة انه حتى طريقة استعمال الادوية ماانتبهت عليها من كثر حقدي على الدكتورة مو قادرة اسمع منها كلمة وحدة و لا تتفلس كله بالانجليزي طيب انا شو دراني معاني المصطلحات الطبية انا اوكي بالانجليزي بس في اشياء الواحد مايفهم عليها
السموحة بنات طولت عليكم بس من قهري و انا ماعندي حد اشكليه الا انتو دقيت على اختي بطلع حرتي كانت مشغولة في الدوام
بس ياليت يا بنات الي تعرف اسم دكتورة او دكتورة زينين في دبي بليز تقولي لاني ناوية افحص مرة ثانية ومابي ارد العيادة مولية
يا حياتي و الله
لو كنت مكانج بصيح
حاولي تستفسري عن استعمال الادويه مره ثانيه
لان مضر انج تستعملينها و انتي ما تعرفين كيف
لا تنقهري في بلادنا صروا هم الاسياد و نحن الله كريم
حسبي الله عليها من دكتورة ليش هي تعالج ببلاش والا في بيت أبوها
لو منج بقولها انطبي واسكتي بتعالجيني غصب عنج انا مواطنة وشوفيها تسكت والا لا لانه هالأشكال مجرد ما تراوينهم العين الحمرا ينجعمون وبعدين جان قلتيلها خلي ممرضة تعرف عربي تي تكلمني انا في الامارات مب بلد اجنبي ما اعرف انجليزي حتى لو كنتي تعرفين لازم نجبرهم يتكلمون عربي اشمعنى في بلادهم نخاطبهم بلغتهم الخياس
اشتكي عليها و ادبيها ..و عقب سيري عياده خاصه ..انا انقهرت يوم قريت سالفتج …
سيري عند الدكتور حبش في المستشفى الامريكي .ووايد ممتاز …
سلامت عيونج
والمواقف هاذي تصير وايد بس شو الواحد يقول بعظهم ما عندهم سعة صدر للناس
أنا ما أدري عن دبي بس أسمع من وحده تمدح دكتور في الشارجه اسمه مازن الخلايله
ممتاز راحت عدة مستشفيات ومحد عرف حالة مرضها الا هو بفضل الله
مرة حصل لي موقف مشابهة مثل هذا كنت اسأل الممرضة عن اسم بنت أختي الصغيرة
وكم واحد قبلها قالت لي وهي تشوف الملفات قبلها دول (مصرية ) قلت يعني كم قالت قالت دولت ابلها
قلت يعني كم قالت وهي تصارخ علي انتي ما بتشوفيش
وقفت مبهته مثل الهبلة ما عرفت شو ارد عليها نفسها خايسة الله ياخذها
قلت بنفسي بتشوفين ان ما اشتكيت عليج عند المدير انا ولا انتي
ورحت عند المدير ولسوء الحظ كان محد وقال الريال اللي واقف اذا عندج شكوي قوليها لي بوصلها للمدير
قلت له في وحدة ممرضة مصرية نفسها خايسة ما كلمتني زين وصرخت بويهي قال من هي شو اسمها
قلت ما اعرف لكن وصفتها له وكانت وحدة ممرضة ثانية تسمعني وانا اكلمه قالت هذي اسمها بشرى
قالت الممرضة يمكن تعبانه او شي !! يا سلام قلت والله اقدر ارد لها الصاع صاعين بس ما احب انزل من مستواي لها
الحيوانه اللي ما محصله صروال تلبسه ببلادها ياية مسوتلها راس علينا نحن
الحينه نحن نشتغل عندها ولا هي تشتغل عندنا ليش تشتغل ببلاش عندنا !!اذا تعبانه ولا شي خل تيلس في البيت احسن لها عشان فلسين يايه ادوام عساها الفقر ان شاء الله
طلعت حرتي بالريال مسكين هههههه
وقال لي لا ما يصير خاطرج الا طيب بتاخذ جزاها
والله انه مستقوين بشكل ما يصور حسبي الله عليهم ان شا الله
لازم تشتكين عليها ..عيل وحده مثل هذي تصرخ عليج لا والف لا
ان شاء الله تنطرد ونفتك منها