مرحبا حبوبات
اليوم بديت في رجيم الموز وحليب قليل الدسم للعلم اخوي يسوي الرجيم شو يضعف عليه ماشاء الله عسب جذي قلت بسويه وبشوف
طولي 163
وزني 70 طن سوري قصدي كيلووووو ^^
كلت الصبح موزتين وكاس حليب العين او المراعي قليل الدسم
ونفس الشي كان الغدا والعشا
بس خربط شوي شربت شاي وقهوه وكلت مشمش وتينه مجففه ماعليه بعدله باجر ان شاء الله
ويارب انزل هال 15 كيلو 
بوزن يوم الجمعه ^_^
ان شاء الله اصبر واكمل مشواري ادري تراني مال يوم واويومين واخرب الرجيم استمر واوصل 55
بس حليب وموز
حرام عليج جربي ريجيم ثاني
احس صعب تعلق ع شي معين مدة
وبعدين جسمج محتاج اشياء هب موجودة فالموز ولا الحليب يعني احسن تنوعين ع الوجبات عشان لا اايج فقر دم
والله يوفقج وتضعفين توصلين 55
يقولج قبل طريقه الاعدام ف الصين يخلون السجين يختار صنف واحد من الاكل وياكله لمده 6 اشهور ..
واتصدقين انه يمــوت؟!!!!
خخخخ معلومه خارجه عن الموضوع ..
بس قصدي لا تسوين جي بعمرج .. اخوج سوا ها الرجيم اخوج ريال ..
انتي بنت اقل ضرر ممكن يستوي لج شعرج يطيح ..
حرام شوه خانتها البنت بليا شعر!!
والله وايد انواع من الرجيم الخوات حاطينهم في المنتدي ..
طبي وتنقي واشياء حلوه ومقدور عليها …
جسمج له حق عليج لا تعذبينه حليله ..
هــع
موفجه اختي
بس أنصحج الريجيم هذا وايد صعب و صدقيني من توصلين للوزن اللي تبينه بتردين تمتنين اذا رديتي تاكلين طبيعي
نصيحه حبي، بس خففي أكل ، امشي وآآآآآيد ، اشربي ماي وآآآآآآآآآآآآيد
و جوفي النتيجه 
موز و حليب بس !! احس يشبع ^^
بس مااعتقد انج المفروض تلتزمين بشي واحد ^^
نوعي يكون احسن
موفقة فديتج
الله يسهل عليج
لان اختى وااايد ضعيفه لم وديتها عن اخصائي تغذيه قال لها كلي موز واايد لان يساعد ع زياده الوزن
وفتح الشهيه
يعني لي اتسوي رجيم ماتاكل موز 