هلا بنات،
اللي معايه وريلها بيدش الدفعه اليايه في يناير، خبروني شوه جدولكم وترتيباتكم؟
واللي ريلها دش التجنيد وخلص، كيف كانت أيامكم؟
وايد أحاتي هالموضوع خصوصاً أني حالياً حامل بعد وماعرف كيف بقضي وقتي لأني متعوده عليه في كل شي
مب عارفه كيف بتحمل فترة الحجز وأهلي يبوني أبات عندهم بس انتوا عارفين يوم عندج عيال
صعب تنقلين من مكان لمكان مع أغراضهم وأغراضج تحسين عمرج مقصوصة فالنص وغير المدارس سالفة والله!
يالسه أعد الأيام بس نفسيتي شوي داون!!!
في موضوعين نزلوا قبل وقريت رد رد فيهم هههههه عسب أفهم نفسي الموضوع
اللي أعرفه هم ثلاث مراحل
التدريب الأساسي بيكون 3 أسابيع وهذا حجز إجباري
وعقب التدريب التخصصي 9 أسابيع يردون بس ويكند؟ بس جفت ف موقعهم أن المبيت اختياري هل هالشي صح؟
وعقبها 3 شهور الخدمة الفعلية واللي بيوزعونهم ع دوامات
هالشي صح؟ وسمعت شي دفعة اللي قبلها التلفونات معاهم صح هالشي؟ ولا
طمنوني الله يطمن قلوبكم ويسرها باللي في خواطركم
.
.
.
هلا الغالية ^^ انا ريلي كان بالدفعة الثانية و خلص و ألحين شهر ٢ بيرد عندهم دورة انعاش ( دوام رسمي )
الدورة بتكون كالتالي :
– حجز ٢١ يوم .. ماشي تيلفون و بيتصلون مره وحدة بالاسبوع .. الدفعة الرابعة ما خلوهم يتصلون الا قبل ما يطلعون بيومين .. فاتوقع الدفعة الخامسة نفس الشي .. و يعتبر هال ٢١ من ٣ شهور اللي بيلسونها في المعسكر
– لمدة ٣ شهور بيلسون في المعسكر و بيطلعون كل ويكند و في ويكند واحد بيحجزونهم لما يكون هليهم الدور
– بعد ما يتخرجون .. بيوزعونهم علي الوحدات في عادي يكون بعيد و عادي يكون قريب .. في منهم يداومون رسمي و في منهم شفتات يخلونهم يطلعون و في منهم يومين دوام و اربع ايام اجازه .. علي حسب الوحدة .. و التيلفونات بتكون معاهم
– اخر ٣ اسابيع نفس الشي في منهم دوام رسمي و اكون في مكان قريب من بيتهم .. و التيلفونات مسموحه
نصيحتي سيري بيت اهلج لان بييج ضيق في اول ٣ اسابيع يوم ريلج ما بيكون موجود و بتحسين الدنيا كلها ضيق و بتصيحين لان الوضع تغير عليج .. يوم بيسير بيطلع بتتغير نفسيتج << بتحسين نفسج اتعودتي بالهذي الحاله رجعي بيتج ويا عيالج
بس عيشي حياتج طلعي و ونسي عيالج و اهتهمي بنفسج اكون لما يرجع مجهزه له البيت و معدلتنه و استقبلوه ^^ فكري شو بتسوين حقه و حجزي في فندق غيري له جو
لا التلفونات ها الدفعه ممنوعة خير شر
Sundos.M
مشكورة يا قلبي ع المشاركة، ما قصرتي والله يزاج الله خير
الله يسهل إن شاء الله صدق أحسه صعب البيت من غير ريال
– – – Updated – – –
المشاركة الأصلية كتبت بواسطة جدران ملتهبة 
ماعتقد لأنه هالدفعه كلهم موظفين وأغلبهم معرسين وعندهم عيال والتزامات
ف مستحيل يمنعونهم عن التلفونات
المشاركة الأصلية كتبت بواسطة Sundos.M الدورة بتكون كالتالي :
– حجز ٢١ يوم .. ماشي تيلفون و بيتصلون مره وحدة بالاسبوع .. الدفعة الرابعة ما خلوهم يتصلون الا قبل ما يطلعون بيومين .. فاتوقع الدفعة الخامسة نفس الشي .. و يعتبر هال ٢١ من ٣ شهور اللي بيلسونها في المعسكر
– لمدة ٣ شهور بيلسون في المعسكر و بيطلعون كل ويكند و في ويكند واحد بيحجزونهم لما يكون هليهم الدور
– بعد ما يتخرجون .. بيوزعونهم علي الوحدات في عادي يكون بعيد و عادي يكون قريب .. في منهم يداومون رسمي و في منهم شفتات يخلونهم يطلعون و في منهم يومين دوام و اربع ايام اجازه .. علي حسب الوحدة .. و التيلفونات بتكون معاهم
– اخر ٣ اسابيع نفس الشي في منهم دوام رسمي و اكون في مكان قريب من بيتهم .. و التيلفونات مسموحه
نصيحتي سيري بيت اهلج لان بييج ضيق في اول ٣ اسابيع يوم ريلج ما بيكون موجود و بتحسين الدنيا كلها ضيق و بتصيحين لان الوضع تغير عليج .. يوم بيسير بيطلع بتتغير نفسيتج << بتحسين نفسج اتعودتي بالهذي الحاله رجعي بيتج ويا عيالج
بس عيشي حياتج طلعي و ونسي عيالج و اهتهمي بنفسج اكون لما يرجع مجهزه له البيت و معدلتنه و استقبلوه ^^ فكري شو بتسوين حقه و حجزي في فندق غيري له جو
انا ريلي كان فالدفعه الثانيه بعد
بس ما قالو له عنده دوره انعاش ؟؟
في اي اماره انتي وهو كان بأي معسكر
ما يباله محاته ولا شي احلى فترة تجنيد والله
عيشي جوج ..
شو يعني محد تراه بيرد
انا احلى فتره عندي يوم راح التجنيد
ع كيفي كان كل شي
من الحينا حديدي وين بتكونين ..
افضل تمين بيتج احسن ولا هالغربال روحه وييه وجي
وامورج عادي حله يشتري ماجله البيت من اجينا يفول الثلاجه حق شهر لا بتتعبين في الجمعية ولا شي
وعن سالفه اليهال اذا هو كان يوصلهم وجي
حوليلهم على الباصات اذا انتي ما تسوقين او ماعندج سواق او انتي دوام الصبح
وبتمر الايام بسرعه ..
بس صدمه اول ما بيرد خخخخخخخخ متفحمين و ضعااااااااااااااااااااااااااااااااااف
انا انصدمت من ريلي قلت لو جايفتنك بهالشكل قبل العرس جان رفضتك خخخخخخخخخخ
احلى بعفويتي
ناويه أحط جدول عسب أرتب أموري وماتلخبط في هالموضوع
وعسى الله يسهل وييسر الأمور
ههههه عاد الضعف والتفحم أتتطلع له أحس بتشجع أرجع جسمي قبل الحمل هههههه