مرحبا خواتي ..
الموضوع وبإختصار ..
ربيعتيه من يوم انولدت خالها حط مهرها على راسها وحجزها حق ولده .. توفى الخال و ( العيال كبرت ) .. وكل العايله تعرف أنها لفلان وأن فلان لها .. مر الوقت وصار خلاف صغير بينهم .. هنيه ادخلت وحده مقربه من العايله وقعدت توسوس في راسه وتقوله أنه فلانه حاطه واحد ثاني في بالها ومن هالكلام لحد ما زوجته وحده هي تعرفها .. ومن خذها وهو في دوامة مشاكل معاها .. ألحين هو هاجر زوجته لأنه بينهم 3 عيال ..
فلانه ما تزوجت لليوم وكانت متأكده أنه بيرجع لها بيوم من الأيام .. وهو ألحين تقدم لها .. فكرت واااااااايد وطولت في التفكير بالنسبه لهالموضوع ..
المشكله أن أمها رافضه (مع أنه ولد أخوها وتحبه وايد) وحجتها أنه عنده 3 عيال .. وأبوها بالعكس يتمنى هالريال لأنه يحس أنه رجل .. وخواتها يقولولها أرفضيه وهو مش كفو تعيشين معاه ..
ألحين هي محتارة ترضي أهلها و إلا تريح قلبها بعد طووووول انتظار …………؟
ياليت تردون عليه بحل مناسب يرضي جميع الأطراف .. والله غامضتني لأنها تحبه ومن خاطرها وكانت دوم تقولي أنا عارفه أنه بيرجعلي ..
انتظركم … :22 (22):
.
والله سااالفه تحييييييييييييييييييييييير .. اهم شي رضا الواااالدين .. بصراااحه مااعرف شو اقولج..
صراحه يالغاليه خلي ربيعتج اتصلي الاستخاره واي شي هي ترتاحله خلا اتسويه تتوكل على الله وربي يسهل عليها ………
ويالغاليه في نظري ان ما تخذه لان عنده ثالث عيال مب شويه يعني خلا يحل مشاكل مع حرمته وربي يوفقهم وان شاء الله ربيعتج بيلها واحد يقدرها ويحبها وهي تحبه ….. هذي وجهه نظري يمكن وجهه نظرهااا شي ثاني المهم ربي يسهل عليها في اختيارهاا
حبيبتي اقول ما توافق احسن لانه هو اللي خان العشرة و راح اتزوج وياب ثلاث اولاد ويوم شاف حرمته شريه رد و فكر في بنت عمته اصلا لو هو كان متفاهم ويا زوجته في حياته ما كان بيرد لها
اقول دوسي على قلبج و لانه مب كل شي فالدنيا حب والله بيعوضج بواحد احسن واخير منه يحبج و يحطج على راسه من فوق و انتي بتحبنه ترى الحب من بعد الزواج اقوى………..
والله اهم شئ تصلي صلاه الاستخاره
ما ادري والله السالفة تحير واايد … الام رافضة والاب موافق والبنت موافقة اممممممم
صلاة الاستخارة احسن شي ..
وما خاب من استخار
انا مع البنات في صلاة الاستخارة
والله يريح قلبها