خواتي الله يخليكم اللي جربت هالحبوب تفيدنا وتخبرنا عن تجربتها
هل هي ضارة ولالا؟؟
وشو الشي السلبي اللي بالحبوب يوم تستخدمينها ؟؟؟
فادج العلاج واختفت الحبوب عنج ولا بعدها في آثار لها ؟؟؟
وكم صار لج الحين من استخدمتيها ؟؟؟ اكثر من سنة سنتين …….الخ ورجع طلع لج كم حبة ولا الحمد الله البشرة صافية ؟؟؟<< ربي يحفظكم من العين
وحتى بموعد الدورة تطلع لج الحبوب ولالا ؟؟
وهالدوا يعالج الحبوب اللي بالظهر والصدر ولا بس للويه ؟؟؟
وكم مدة العلاج ؟؟؟
وهل لها أضرار بالمستقبل ولا عادي ؟؟
ووين تعالجتي بأي امارة ؟؟؟ وأي مستشفى / عيادة ؟؟؟ واسم الدكتور ؟؟؟
يلا حبيباتي ساعدوني خلونا نستفيد ونفيد غيرنا
وفي ميزان حسنات كل وحدة ترد على موضوعي
ماعندي فكره حبوبه ،،
ان شاءالله البنات مايقصرون وياج ،،
ماتشوفين شر الغلا ،،
[QUOTE=ثمرة القرآن;11590414][CENTER][CENTER]
خواتي الله يخليكم اللي جربت هالحبوب تفيدنا وتخبرنا عن تجربتها
هل هي ضارة ولالا؟؟
ماشي منها مضره اذا كنتي ماخذتنها بوصفه من الدكتور لانه بيسويلج تحاليل اول وبيسالج عن اشياء قبل ما يكتبلج اياها واذا كانت التحاليل او اجوبتج فيها شي يمنع استخدام الحبوب بيخبرج
وشو الشي السلبي اللي بالحبوب يوم تستخدمينها ؟؟؟
الشي السلبي الوحيد (ما يعتبر سلبي لكن هاي طريقة العلاج) جفاف البشره اللي بيسبب نشفان الدهون من البشره بس طبعا لازم تدهنين بمرطب يكون زين
فادج العلاج واختفت الحبوب عنج ولا بعدها في آثار لها ؟؟؟
من اول اسبوعين بتلاحظين التغير اللي بيطرأ ع الحبوب والبشره بشكل عام
وكم صار لج الحين من استخدمتيها ؟؟؟ اكثر من سنة سنتين …….الخ ورجع طلع لج كم حبة ولا الحمد الله البشرة صافية ؟؟؟<< ربي يحفظكم من العين
المده تكون في حدود ال6 الى 8 شهور للي حالتهم وايد متقدمه وممكن حسب الحاله بس ما يستمر سنتين ولاترجع الحبوب تطلع مره ثانيه
وحتى بموعد الدورة تطلع لج الحبوب ولالا ؟؟
احتمال 10% نتيجة تقلب الهرمونات بهالفتره
وهالدوا يعالج الحبوب اللي بالظهر والصدر ولا بس للويه ؟؟؟
هالدوا يشل كل الحبوب اللي بالجسم حتى اللي بالظهر والاحلى يشل البقع بعد
وهل لها أضرار بالمستقبل ولا عادي ؟؟
مالها اضرار طالما تسمعين كلام الدكتور
ووين تعالجتي بأي امارة ؟؟؟ وأي مستشفى / عيادة ؟؟؟ واسم الدكتور ؟؟؟
ابوظبي /ا مستشفى الخليج التخصصي/د صفوان
انشالله استفدتي
انا اخذت هاد الدوا تقريبا سنه كامله لاني كنت اخذ جرعه خفيفه 20 م لانه بسبب جفاف بالجسم لازم تكثري شرب ماء بس الحلو فيه كان شعري دايما يزيت من الدهون الي بالجسم صار عادي بالنسبه لهاد الدوا بيشيل كل الحبوب وين ما كانت بالجسم واثارها بس الحفر الي بالوجه طبعا لاء انا صار الي 7 شهور موقفيته والحمد لله ولا حبه لهلا طلعت وما اظن اله اثر سالبي غير الجفاف بس طبعا اذا نتي نتزوجه بتوقعي على ورقه بتضمن عدم الحمل فتره العلاج وبعد العلاج لمده 6 شهور عشان ما يصير تشوه في البيبي لسمح الله
انا تعالجت عند الدكتوره جمانه في مستشفى السلامه بابوظبي وهلا بعمل جلسات تقشير كرستال عند الدكتور منير بالخليج التخصصي بس في ملاحظه مو بس الرواكتين موجود بالسوق في كذا نوع انا شخصيا اخذت التري تين نفس المفعول بس الاسماء مختلفه بس ارخص شوي من الرواكتين ان شاء الله اكون افدتك في هذا الموضوع واي سؤال حاضرين
حبوبة انا على حسب خبرة ربيعتي انه وايد قوي وزين حق الحبوب الكبيرة وعدال بعض والي عجزت الكريمات العادية في ازالتها اما اذا الحبوب الي في ويهج عادية وبسيطة ما انصحج فيه لانه ماله داعي ولازم اتواضبين عليه لمدة ستة اشهر ها كورس واحد واذا كنتي محتاجتنه اكثر بيعطيج الدكتور كورس ثاني وشي ثاني لازم تسوين تحاليل شاملة لأنه له اثار جانبية حتى على الكلى والكبد وينشف البشرة وتتشقق ساعات ها الي شفته على ربيعتي بس هو اهم شي انج اتابعين الموضوع ويا دكتور اوكي والتحاليل اهم بعد
انا استخدمته 3 شهور لأنه تاخذينه على حسب وزنج والحبوب
يشل كل الحبوب ، وفتره الدوره يمكن تظهر حبه
مالها أي أضرار ف المستقبل ، انا استخدمته يوم كان عمري 16 يعني من خمس سنين والحمدالله .
الشي السلبي: الجفاف وتاخذين كريمات ترطيب
انا كنت عند الدكتوره صبحيه في مستشفى دار الشفاء بوظبي
هذا الدواء لازم يوصفه لك طبيب ولازم تسوين تحاليل خلال مدة الاستخدام
له ثأثير على الأجهزة الداخلية في الجسم
بصراحة ربيعاتي كلهن استخدمنه وكلهن ما شاء الله عليهن بشرة ولا أحلى
المدة تختلف من بشرة وأخرى
الجفاف هو المشكلة الواضحة بس تقدرين عليها
اللي تاخذ الدواء لازم تتركه قبل العرس ب شهر فقط
الله يعطيك بشرة كالحرير