بنات الله يخليكم ساعدوني ..
أنا قبل فترة ملجت وزوجي وااااااااايد بيني وبينه تناقضات ومن بيننا مشاكل وضرايب كل يوم عافا الله كل وحده فيكم
حبيت أغير الجو لي بيننا وخذتله هجية بمناسبة اننا كملنا شهر من الملجة يعني من باب التغير فالحين محتارة شو أكتب له ف الكرت من كلام عسب يحس اني أحبه وأباه يهتم فيني !!!!!!!!! بليز اترياكم
عادي اختي اول الايام جذي لانكم مش متعودين على بعد …بس طولي بالج انتي …
اممممممممممممممم اكتبيله مقطع من اغنيه عبدالمجيد ( اهتم فيني حطي بالك عليه )
اختي ادعي الله ان يهدي سركم و الزواج يباله صبر صبر صبر
و الله يحب الصابرين .
( اكتبي له ايه من القران الكريم عن النساء او حديث النبي صلى الله عليه وسلم. رفقا بالقوارير) وهو بيفهمها.
اكتبيله اللي يخطر ع بالج ولو معلقه ^___^
انتي خفي عليه اشوي ولا اتشاكينه وهاتيله من ها السوالف الحلوه ولا اتخبرينه بشي ايكدر خاطره ويزعله .. انا طلعت عن الموضوع اشوي
اتفهمي حبيبتي معاه بطريقة حلوة
الله يهدي مابينكم
اكتبلي كلمه اتعبر عن اللي في قلبج اتجاهه
لوكتبتي شي يتعلق بالاهتمام فيج بيفهما انه هو مقصر وياج
كلمه وحده اتكفيج