هلا خواتي اشحالكن؟
اعرف اني بلقى الاجابه عندكن ان شاء الله
حبوبات عندي شبه يبتها من العطار ومطحونه الحينه يينا عالسؤال ^^
ابغي اعرف مقادير الشبه يعني قد شو البودره ويا الشبه ؟؟؟؟
اتريااااكن
بالتوفـــــــــــــــــــــــــج عزيزتي
وينكن راعيات الشبه؟؟؟؟؟؟؟؟؟؟؟؟؟؟؟؟؟؟؟؟؟
حبيبتي
الشبه استخدميها بروحها احسن يعني بدون ما تخلطينها ويا اي نوع ثاني من البودره عشان تتجنبين مادة التالك اللي هي المكون الرئيسيي لاي نوع من البودره سواء البودره المعطره او حتى بودرة جونسون
التالك ماده مسببه للسرطان والاحسن الابتعاد عنها
استخدمي الشبه خاليه بدون تعطير واذا حبيتيها تكون بريحه ممكن تضيفين لها قطعة مسك ابيض نوع ممتاز مب اللي ينباع بدرهمين عند الهنود
او ممكن تضيفين لها صندل مطحون بس اتاكدي انه صندل مب مخلوط عشان ما تنضرين
المره اليايه خذي الشبه حصى من العطار واطحنيها روحج في البيت(أول كسريها بالمنحاز عقب اطحنيها في المكينه) عشان تضمنين انها مب مخلوطه ويا اي شي ثاني
مشكوره اختي مس جوكليت
لاتحاتين الوالده واقفه على راس العطار وطحنها لها جدامها وهالعطار نعرفه يعني مابيقدر يغشنا لان بنرد له لو فيه شي … خلاص مثل ماقلتي بستخدم الشبه ابروحها وان شاء الله استفيد
مشكوره الغاليه
حياج غناتي وربي يحفظج ويحفظ لج الوالده ويطول بعمرها