السلام عليكم ورحمه الله وبركاته ..
اشحالكم يابنات المنتدى مابطول عليكم بدخل بالموضوع .. السالفه ومافيها انه اربيعتي بتملج وهي خاطرها بالبوم صور للملجه وريلها مايبا يقوول انه شيء مب مهم وهي مثل اي بنت تبى تستانس ويم عارضت اهلها ابوها قالها مالي خص وامها قالتلها خلاص يبلج مصوره المشكله انه كيف بتتصور وبدون ريلها ؟؟؟؟؟؟؟!!!!! ومب حلوه يكوون الالبووب بعرووس بدون معرس … وهي يالسه اتصيح عاد انا قلت مالي غير بنات المنتدى بيفيدوني ويمكن ايساعدونها بافكارهم .. يعني كيف نقنعه ؟؟ وهل اذا يابت المصوره وحطته بالامر الواقع تصرف اوكي ؟؟ بلييييييييييييييييييز ساعدونا
اتريا ردودكم ..
مرحبا عنوده… من راي ما في داعي للمشاكل من اولها خليها تفاهم معاه اذا ما طاع خلاص تصور بروحها مع خواتها وربيعاتها للذكرى وتعوضها انشالله بالعرس… اما انها اتيب المصوره وتحطيها امام الامر الواقع لاااااااااااااااااااااااااااااا والف لااااااااااااااا لا تسويها الريال ما يحب احد يكسر كلمته وخاصه جدام الاهل والسموحه والله يوفقها ويبارك لها
لوووووووول عيل احنا عندنا منقود نجوف الريل لين يوم العرس !!!! الملجه اتصورت روحي لول عادي كووووول ولا على البال … وتميت سنه لين ما عرست و شفت ريلي لأول مره على الكوشه!!! لا تيلسن تقولن الشرع يحلل تشوفين الريل بس اهليه بدو كل شي عيب! فقولي حق اربيعتج بيي كوووول لاحقه تتصورين معاه في العرس
احسن شي التفاهم لو حب اوكي ما حب عادي مو مشكلة ان شاء الله
بيهديه و بيبلها اكبر مصورة والله بيعوضها ان شاء الله ^_^
:1 (36): :1 (36): عادي اختي
نحن أهلنا عاداتهم ما يدخل المعرس أبدا و لا يشوف العروس إلا في بيتهم
فأنا بسوي ألبوم لي لوحدي بدون المعرس بالعكس بتطلع مني وايد حركات بدال ما يكون موجود و أرتبك انا و يطلع شكلي مو حلو من الربكة و بعدين أنا أعرف نفسي ما بطيع أسوي حركات و ياه بس قدار أفتشل واتلعوز
السلام عليكم
طبعا تصرف مب اوكي انها تفاجاءه
لازم تقنعه تقول له بلييز هذا يومنا وانا ماودي اتصور دونك
وحلات الصور فييك وانت بتظهرررر فيها وعيالنا عقب بيجوفونها
تعرفين ولد اختي يستانسس ع امه يوم يجوف صور عرسها هي وابوه
يتم يقول ماما عرووسه بطريقه طفوليه حلووه
فانتي خبريها تقول له ان عيالنا بيستانسون يوم يجوفون صورنا ويا بعض
وتقول له انها ذكرى حلووه
اذا مررررررره ما طااع خلها تتصور في الاستديوو جم صوره عن خاطررها
المشاركة الأصلية كتبت بواسطة scooopy 
نحن أهلنا عاداتهم ما يدخل المعرس أبدا و لا يشوف العروس إلا في بيتهم
فأنا بسوي ألبوم لي لوحدي بدون المعرس بالعكس بتطلع مني وايد حركات بدال ما يكون موجود و أرتبك انا و يطلع شكلي مو حلو من الربكة و بعدين أنا أعرف نفسي ما بطيع أسوي حركات و ياه بس قدار أفتشل واتلعوز
مشكوووووووووووورين على الرد وتفاعلكم معاي وردوودكم وبنقلها وجهت نظركم وان شاء الله الله يهديها ..
ومثل ماقالت وحده من الخوات احسن انه يقتنع علشان اعيالهم يجوفون صورهم .. وهي تقوول جي عاد انا قلتلها عادي قوليلهم ابوكم مايحب يجووف عمره بالصورخخخخخخخخخ
ثااااااانكس مره ثانيه واتريا اراااااء الباجيات
اختي سكوووبي كيف بتسوين البوم بروحج ممكن تفهميني احس مايستوي ..