السلام عليكم ورحمة الله وبركاته
إشحالكن خواتي بغيت طريقة الصالونة العربيه الصفرا (بالدياي) إذا فيه وحده عندها طريقة حلوة إتخبرنا إبها لأني أنا أسويها بس ما تضبط عندي
معقولة ولا وحده اتعرف الصالونه العربية على الأقل أرفعن الموضوع أو دعوه حلوه
1 دجاج كامل مقطع
2 بصل مقطع مربعات
1/2 راس ثوم مقطع مربعات
1 حبة طماطم مربعات
ملح نص ملعقة طعام
بزار نص ملعقة طعام
كركم ربع ملعقة
فلفل اسود رشة
تحمسين البصل بشووووووية زيت الين ما يلين ويحمر شوووووي وبعدها حطي الثوم وحمسيه
بعدها حطي الدياي وحمسي
وبعدها البهارات والطماط وكله ع نار هادية
و ضيفي شوية ماي إذا احتجت
وشوفي الملح والبهار إذا محتاج زيادة او لا
راح يأخذ من وقتج من 45 دقيقة الى1 ساعة