السلام عليكم
وصلتني رسائل كثير بعد حذف صور البيتزا علشان ارجع احملها مره ثانيه
وشكرا لكل البنات الي راسلوني وهذي الصور من جديد لعيونكم
موضوعي اليوم عن البيتزا ب3 انواع
1_بيتزا النقانق
2_بيتزا الببروني
3_بيتزا فاهيتا الدجاج
طبعا كانت النتيجه رائعه جدا وطعمهاا قريب من البيتزا الجاهزه
العجينه المستخدمه:عجينة العشر دقائق
المكونات وطريقة العمل موجوده بالصوره
اتمنى انها تعجبكم
شكلها تشهي .. ما شاء الله
تسلم ايدينج
يم يمي تسلم ايدج شهيتينا
ما شاء الله ,, شكلها يشهي ^^ ,, إممم ممكن رابط عجينة العشر دقايق ؟
ما شا الله حبيت اللي فيها بيبروني ^^
والله يسلم يمينج وبالعافيه
ياااااااااااااااااسلاااااااااااااااااااااااااااام
عجينة العشر دقائق
المقادير:
– المجموعة الأولى : فنجان قهوة سكر
2 ملعقة كبيرة خميره فوريه
2 كاس ماء دافي
ذرة ملح
2 كاس دقيق
– المجموعة الثانية :
نصف كاس زيت
3 كاسات دقيق
الطريقة:
– تخلط المقادير المجموعة الأولى مع بعض و تترك لمدة 10 دقائق .
– بعد العشر دقائق يضاف لها مقادير المجموعة الثانية و تعجن جيدا و تستخدم على طول .
– مثل ما شفنا العجينه تنقسم لقسمين و تتخمر عشر دقايق في القسم الاول و تضاف عليها باقي المكونات , يعني مجموع الطحين في العجينه هو خمس كاسات .