السلام عليكم ورحمة الله
خواتي شخباركن ؟
عرسي بقى عليه أيام بس اتورطت بشي ما ادري شسوي فيه ؟
البارحة كنت أغلف هدية لزوجي فحرقت ايدي بمسدس الشمع
حرقة بطريقة معتبرة وصارت فيه فقاعات ماي باصبعين : السبابة والوسطى
عندي اليوم الجلسة الأخيرة للمنكير
ما أدري شسوي
ولا أدري كيف بتحنى مع هالحرق ؟
رحت العيادة وسوا لي تدخل جراحي بسيط عشان يطلعون السائل تحت الجلد وحطوا عليه ضماد ولازم يوميا اروح لهم يغيرون الضماد لحد ما يطيب
ارجوكم انصحوني .. شسوي ؟
باقي على عرسي 4 أيام 
حرااااااااااااااام
والله ماعرف شقولج الله يعينج غناتيه
ما تشوفين شر يا الغاليه بس دايما حطي في بالج انج تغسلين ايدج بالماي البارد وانا عن نفسي اكسر بيضه كامله واحطها على ايدي طبعا في وعاء واخليها دقايق بس وما تسوي اثر وبعد عندي الصبار زارعته في البيت اشيل الجل اللي داخل واحطه مثل المرهم وسلامتج الغاليه ومبروك الزفاف واهي علقه تفوت ولا حد يموت .
الله يعينج يا العروووس ..
ماجوره ان شائ الله .. شو بتسوين يعني .. مكتوب لج اتحملي واصبري ..
قل لن يصيبنا الا ماكتبه الله لنا ..
ان شاء الله .بيخوز الحرق … حطيله اميبو عشان لايترك اثر …
ويوم الحنا خلينهم ينقشون عليه عشان لايبين اذا خف عنج الالتهاب…….
والله يعينج ….
حبيبتي روحي الصيدليه اطلبي كريم الحرق ( ميبووو)
حطيه طول الوقت على صبحج ايام ويبرا الجرح ان شاء الله
الغاليه أهتمي فيه هاليومين ..حطي كريم الحرق
ولا تيلسين تتعبلين وايد بالحرق عشان لا يخلي أثر في ايدج
وهالحرق البسيط ما بيحرق فرحتج الكبيره :1 (58):