عزيزاتي
عندي مشكلة محيرتنننننننننني
فياريت ياااااااااااااااااااااريت القى الحل عندكم و بسرعه لان ماشي وقت!!
عندي شغاله اندونيسية و انا ساكنة مع اهل زوجي في نفس البيت
و ماعندي تلفون بيت يعني بس موبايلي
و انا اداوم
يعني وااايد احتاج اني اكلم شغالتي و اسألها عن ولدي او اخبرها سوي جيه او جيه
او حتى و انا ف البيت لما احتاجها ماعرف اوصل لها الا عن طريق:
التلفون اللي عطيتها اياه طبعا موبايل بس شو سويت برمجته و حظرت عليها كل المكالمات الوارده و الصادرة لتلفونها
بس تستقبل تلفوني و ترسل عليه
و هذا عن طريق مثل ماتعرفون ال PIN Code المهم
المفاجأة البارحه تبا تكلم اهلها عاد انا دايما اقول لو كنت انا مكانها بشتاق لاهلي و دايما اخليها تكلم اهلما بين و بين
المهم نرجع لموضوعنا
قلت لها عطيني تلفونج عاساس احط فيه بطاقة تلفون و اخليها تتكلم عطتني اياه و كلمت اهلها و بعد ماخلصت طرشتها مكان و في هالاثناء قلت ليش ما انبش ف التلفون
و لما شيكت ع الرسايل انصدمت شفت مسج مطرش لها بالاندونيسي طبعا من رقم من اندونيسيا المهم ما فهمت الكلام اتصلت حق ربيعتي و قلت لها بطرش لج مسج و خلي شغالتج تترجم لي اياه
الترجمه كانت (( متى بطرشين فلوس حق امج ؟)) و هي ف نفس اليوم عطتني فلوس و رقم حساب عسب انطرش لها الفلوس!!!!
الحيرة كيف عرفت رقمت تلفونها من وين يابته!.!؟؟!؟!؟؟!؟؟؟
ماتقدر تتصل منه
كيف عرفته؟؟
طريقة وحده بس عشان تعرفه انها تاخذ بطاقة اتصالات الاصلية مالت الرقم اللي يكون مكتوب فيها عشان تقدر!!!!
لحد احين ما فاتحتها فالموضوع
و بعد خلوني اخبركم شو سويت
حطيت لها بطاقة تلفون غير يعني رقم ثاني و بطاقتها حاليا معاي ابي اشوف هل بتلاحظ او هل حد بيتصل
او هل حد بيطرش مسج؟؟؟!!
بس محتارة افيدوني عزيزاتي؟!؟!؟!؟!؟
مع العالم انها وااايد زينة بس انا مصدومة فيها
مادري الغاليه شو اقولج بس زين منها انها اللي عاطتنهم الرقم اهلها وفي بلادها مب هنيه يعني انشالله مابيكون في إلا الخير
انتي لاتحاتين وااااااااايد واهم شي انها تكون زينه لج ولعيالج وما في اهم عن جذه
والله يعينج انشالله
شمس المحبة مشكوره عالتفاعل
الورود باخذ فعلا بنصيحتج و بسألها بواجهها
و اعتقد اني بسحب الموبايل و بحط تلفون بيت
حبوبة..
بسيطة ركبت الكرت بجهاز ثاني واتصلت منه .. عادي
أختي قلم رصاص
بشكارتج انسانة من لحم ودم المسكينة شوقها للتواصل مع أهلها خلاها تعرف رقم الموبيل عسب يطرشولها مسجات … انتي سأليها كيف عرفتي رقم الموبيل بس لا تحرمينها من انها تتواصل معاهم يوميا بالمسجات صدقيني أحسن لج
أنا بشكارتي عندها موبيل وترسل حق زوجها وعيالها مسجات يوميا وهم بعد يرسلولها المسكينة تستانس وبالها مرتاح بس ما أخليها تطلع بروحها أو ماشابه ذلك بس ما أقدر أمنعها من أهلها لا أنا بستفيد من هالشي لا وبعد يمكن آخذ اثم وما بتشتغل لي مثل ما أنا أبا
المشاركة الأصلية كتبت بواسطة المؤمنة بالله 
بشكارتج انسانة من لحم ودم المسكينة شوقها للتواصل مع أهلها خلاها تعرف رقم الموبيل عسب يطرشولها مسجات … انتي سأليها كيف عرفتي رقم الموبيل بس لا تحرمينها من انها تتواصل معاهم يوميا بالمسجات صدقيني أحسن لج
أنا بشكارتي عندها موبيل وترسل حق زوجها وعيالها مسجات يوميا وهم بعد يرسلولها المسكينة تستانس وبالها مرتاح بس ما أخليها تطلع بروحها أو ماشابه ذلك بس ما أقدر أمنعها من أهلها لا أنا بستفيد من هالشي لا وبعد يمكن آخذ اثم وما بتشتغل لي مثل ما أنا أبا
كلام مقنع
لا تضيقين عليها اختي عطيها اشويت ثقه والمهم انج عارفه انها ما تطلع م البيت الشي اللي يخرب البشاكير موضوع الاجازات صح التيلفون مب امان وايد ولكن دامها جدام عينج وفي البيت ما تطلع اتطمني ولا تفاتحينها بالموضوع ومثل ما قلتي راقبي تيلفونها من بعييد بس والاهم شيكي على الرسايل المرسله عشان اتعرفين هي على شو ناويه بعد