السلام عليكم ورحمة الله وبركاته
أعرف وحدة تعاني من ضعفها ..هيه متزوجة من 5 سنين تقريبا وعندها 3 عيال(ما شاء الله) بس تقول جسمها اخترب وصدرها نفس الشيء…
ما خلت شيء ما سوته (غير العمليات طبعا) جربت كل الفيتامينات ما نفع وياها وخاصة انها ترضع وهذا يضر الياهل…
لو حد يعرف اخصائية تغذية يمكن تساعدها وتفيدها وتخبرها شو مشكلتها بالضبط وتعالجها ويكون علاجها مضمون…يعني تظهر نتايجه في وقت قصير وتكون مرضية…لو تكون في العين افضل بعد…
يزاكن الله خير
up
السلام عليكم
خلها تروح مستشفى توام في عيادة التغذية العلاجية
وإن شاء الله بيساعدونها وايد ناس تراجع عندهم
موفقه
الغالية شفتي أبيلا؟ السوبرماركت وين قرب مستشفى توام
هناك من داخل وحده اخصائية وتوصل بعد الوجبات للبيت
خليها تروح عندها؟؟
يزاكن الله خير…
توام مواعيدهم بعييييييييييييدة وايد…بس بخبرها ان شاء الله…
و أبيلا ما اعرف اذا يتعاملون بالادوية لأنهم اغلب شيء يطرشون وجبات واصلا هذي الحرمة شهيتها منسدة وما نفعت وياها اي ادوية…بس بعد بخبرها
واذا في وحدة كانت لها تجربة في هالموضوع واستفادت ياريت تخبرنا…؟؟؟
الغالية ان شااء الله البنات بيساااعدونج *_^
المشاركة الأصلية كتبت بواسطة nuara111 
مشكورة ع مرورج حبوبة .gif "13 (42)")