السلام عليكم ورحمة الله وبركاته
ابغي طريقة لحم الغنم مع السبانخ .. بليز .. ابغي اسويها باجر ..
مشكورة مقدما ..
ماعندي فكرة ان شالله البنات يفيدونج ..
للرفع
للرفع
السلام عليكم ورحمة الله وبركاته ,,
طريقته سهله وايد اختي
أول شي تفورين اللحم بالبهارات الحب والملح لاتكثرين لان السبانخ فيها حموضه ,, لا تتخلصين من الماي بنحتاجه بعدين بس طلعي اللحم منه
تقلين بصل وثوم في الجدر مع بعض لين يتحمرون
تكونين حاطه في الخلاط كميه طمام تقدريه حسب كميه السبانخ اللي عندج وتصبينهم علي البصل وشويه صلصه
تحطين عليهم السبانخ المغسوله والمقطعه وتقصرين على النار واهم شي تغطين الجدر لين تبدأ السبانخ تنزل مايها
بعدين تحطي اللحم وشوووووويه بس من شوربته
ماتحطين بهارات وايد بس شويه كمون فلفل اسود واذا احتاج ملح وبس تترين لين تتسبك وبالهناء والعافيه أختي