السلام عليكم ورحمة الله وبركاته
خواتي الغاليات …
الحين بديت العد التنازلي لعرسي إن شاء الله -والله يتمم كل شي على خير- والحمدالله خلصت من :
1-القاعة
2-الصبابات
3-البخور والعطور
4-العشاء
5-الكوشة
6-الديجيه
7-الزفة
7-شاشات العرض
8-البطايق من تصميمي
9-الفستان
10-حجز الصالون للمكياج والتسرحة
11-الحناء
12-الزهبة من أ-ي
13-الشقة (بس باقي بعض التفاصيل على اليومين الياين بخلص إن شاء الله)
الحين باقي لي تقريبا إسبوع …
الأشياء اللي ما سويتها وتركتها لآخر الأسبوع هي…
1- إزالة الشعر بالحلاوة
2- ليزر المنطقة
3- تنظيف بشرة
4- تشقير
5- حمام مغربي
وذكروني الغاليات شو أضيف بعد …
وأنا كل ربع ساعة بدخل المنتدى أشوف إضافاتكم وأدعي لكم بالتوفيق وللملاقيف بالأزواج الصالحين إن شاء الله …
الحين بنات ممكن اتقولون لي من اليوم شو أسوي ؟
أريد ماسكات إستفدتوا منها صدق… وتكون طبيعية ….
– أنا حاليا امسوية ماسك المر … حاطة مرة في كوب وحاطتنه في الثلاجة … وفي اليوم مرتين أمرر قطنة على بشرتي … وهو يعقم وينظف البشرة ويفتحها …
– اليوم بسوي ماسك النشا وماي الورد … وهو وايد حلو …
– حمام مغربي إن شاء الله بسويه ابروحي … اليوم
– زيت الزيتون والثوم لشعري… (هذا أفضل زيت إستخدمته ) من إيدي طبعا …
كملوا لي بنات انصحوني شو أسوي … من تنظيفات … العرس تاريخ 30/4/ إن شاء الله
وما أعرف متى أسوي تشقير … ومتى حمام مغربي.. ومتى ليزر .. ومتى ومتى ومتى …
محتاجين لكم نحن