الوسم: week

الموضوع واضح من عنوانه.. واللي مافهمت الموضوع : اقصد فيه الزوجات اللي ما يلتقون بازواجهم الا في الويك اند.. يعني نهاية الاسبوع .. وانا وحده من هالزوجات.. زوجي يطلع يوم الاحد وقت الفجر ويتم في الدوام كامل الاسبوع وايي يوم الخميس بالعاده.. لانه دوامه قريب حدود السعودية ومايقدر يضرب خط يوميا تعب عليه.. المهم اتم في بيت اهل ريلي طول الاسبوع بدون ريلي . يعني اشوف اهل ريلي اكثر من اني اشوف ريلي.. قبل لا اداوم كنت امل واطفر واتعب من الملل والقعده بروحي .. بس الحين شوي تعودت عالوضع ولاني اداوم بديت اتناسى هالوضع الكئيب للعلم اني متزوجة قريب.. واحيانا ما الحق اشوفه لاني لازم ازور اهلي عالويكند مب كل ويكند يعني مثلا الاسبوع اللي طاف ريلي نزل بالخميس ووداني بيت اهلي وييت السبت فليل وهو باالاحد الفجر طلع!!! .. يعني ولا كاني شفته!!! في احيانا عالويكند نروح السينما .. او اكشخ له ونسوي ليلة رومانسية.. بس يادوب تخلص الاجازة بسرعه!!! اللحظات الحلوة تطوف !!!

المهم اي وحده مثلي تكتب وتفضفض في قلبها في هالموضوع.. اترياااااا ردودكم وتفاعلكم!!

انا مب من زوجاات الويكند بس جريب بستوي منهن انا ريلي الحين يدااوم اسبوعين باسبوعين يعني اسبوعين اجازه واسبوعين دواام في البحر (مال البتروول) والحين تعب من هالدوااام وبيغير وبيسير بوظبي عقب االعييد ان شاء الله يعني بس بييني الويكند لاني مب ساكنه في بوظبي وحرام يظرب كل يوم خط عشان جي بيأجر شقه في بوظبي وبيتم هناك…

انا معرسه من 5 سنوات …….وطول هال 5 سنوات وهو بس ايي ف الوييك اند
وانا اتم طول الاسبوع ف بيت اهلي وارد الخميس معااه البيت ….والسبت فليل هو يروح دوامه وانا ارد بيت اهلي
حياتي كانت حلوووه وايد كان يشتاق لي ويوم كان ايي كان فيه شي نسلوووف فيه وكنا نشتاق لبعض

بس الحين لمده 9 شهور بيتم عندي عنده دووره ف العين ….المهم والله اني طفرااااااااااانه احس بملل ..حتى اني ما اقدر
اسوي له حركات ومفاجاءات يعني مثلا اغير الحجره او شي لانه مجابلني 24 ع 24 ………وهو طبعه بيتوتي ما يطلع من البيت

متى بيخلصن 9 شهووووووووووووووور وبرد لوضعي الاولي

ومنكم نستفيد