اشحالكم بنات ان شاء الله ابخير
رجعتلكم بالتقرير الثاني ..
والتقرير الأول لـLondon بتحصلونه هني
http://forum.uaewomen.net/showthread.php?t=530902
رحلتي الثانية كانت من London 2 Spain
وزرنا في Spain مدينتين .. الأولى Zaragoza .. والثانية Madrid ..
قبل ما احطلكم التقرير والصور .. احب اقولكم رايي .. Zaragoza مدينة صغيرة وحلوه لكن تقريبا تعتبر مافيها شي كونها صغيره .. فما انصح حد يسيرلها ..
أما Madrid جميلة بصراحه .. مع اني ما يلست فيها غير 4 ايام وما لفيتها كلها .. لكن حبيت شوارعها والناس فيها ..
– – –
نبدأ التقرير .. بسم الله
Zaragoza
كنت في London .. وعن طريق طيران اوروبي داخلي Ryanair
سافرت من مطار London Stansted الى مطار Zaragoza
ويسلنا في Zaragoza تقريبا يومين واليوم الثالث سرنا Madrid بالسيارة
وصلنا مطار Zaragoza المسا الساعة 10 تقريبا
وصلنا الفندق فالليل .. بس صورته الصبح .. فندق Tryp .. 4 نجوم .. يديد ونظيف وحلو .. واخترت هالفندق بالذات عن تجربة "بابا" سكن فيه قبل سنة .. أيام معرض Expo Zaragoza 2024 .. فعطونا خصم حلو ومميز ..
وكنا مآخذين سويت غرفتين وصالة .. وبكتفي بأني احط صورة غرفتي ..
ثاني يوم الصبح .. بابا حبّ انه يراوينا بقايا المعرض .. لأنه المعرض خلاص بدوا يهدمونه .. وعدال الفندق مسوين تلفريك يودي دايركت للمعرض لأنه كان قريب من الفندق .. فركبنا التلفريك وشفنا المعرض من فوق .. لكن ما صورت المعرض لأنه اتحول الى خرابا
هذي محطة قطار سريع .. القطارات فيها سريعه جداً كنا بنسير فيه من Zaragoza 2 Madried .. بس عقب فضلنا انسير بسيارة السفاره عشان اتم ويانا السيارة في مدريد ..
فاتحين مول يديد في Zaragoza والمول عبارة عن مبنيين كبار يوصلهم قطار صغير يقطع من فوق الشارع الرئيسي ..
مدينة Zaragoza فيها آثار اسلاميه قديمة ما زالت موجوده .. وللعلم كان اسمها سابقاً وبالعربية "سرقسطة" أيام الأندلس
اتعشينا في محل اسمه "اخطبوط" ويسوي اخطبوط وكل انواع الاحياء البحرية من اسماك وربيان وام ربيان ولوبستر ومحار والخ الخ وصاحب المطعم سوري .. اكله لذيذ .. بس استحيت اصور لأنه الريال صاحب المطعم اتعشى معانا "ربيع بابا"
– – –
لا تردون بليز .. لأني بكمل التقرير ان شاء الله في الرد الياي ..
كانت وسيلة التنقل في Spain في المدينتين بسيارة مرسيديس Van سيارة السفارة .. سبعة راكب بدون السائق .. والسائق "ماريو" روماني الأصل عايش بإسبانيا ..
واليوم الثاني في Zaragoza سرنا لمنطقة تقريبا مسافة ساعة ونص .. عبارة عن غابة فيها أشجار وشلالات ومكان حلو للرحلات .. وعلى فكرة الأسبان وايد فيهم من العرب .. يعني عائلاتهم عادي اتكون مكونة من أب وأم و4 أولاد أو أكثر .. واتحصلونهم يطلعون رحلات ويشلون غداهم ويكونون 3 او 4 عائلات اخوان مع بعض وعيالهم .. وايد حلو .. غير عن باقي دول اوروبا اللي محد له خص في الثاني ..
وهذي صور للمنطقة اللي اقولكم عنها .. وعلى فكرة .. صيف 2024 .. سافرت تركيا .. وسرت في منطقة بورصه منطقة وايد تشبه هالمنطقة اسمها شلالات شي جي ما اتذكر .. بس هذيج كانت وايد احلى وان شاء الله في يوم بحطلكم تقرير لسفراتي في صيف
. . . . .
رجاءً محد يرد لأني بكمل
وكان فيه عرض للنسور والبوم .. وأول مرة اشوف بومه هالكبر .. ما شاء الله
وحتى النسور كانت كبيره
. . . . .
رجعنا لمدينة Zaragoza .. ومبانيها الأسلامية .. وأحيائها القديمة ..
والجسور قديمة جداً
– – – – –
هني خلصنا من Zaragoza .. ولي عوده ان شاء الله بعد كم ساعة لتكملة التقرير ورحلتي الى Madrid
متااااااابعه …
و مشكوووورة خيتو ع التقرير الحلو ^^
تقريرج وايد حلو ماشاء الله
نترياااا التكملهـ
لاتتاخرين ^_^ والحمدالله على السلامه
روووعه ماشاء الله ……. ابا اسير اسبانياااااا 
نتريا الباقي لا تتاخريييين علينا 
متاابعه