الوسم: Romanove

السلام عليكم ورحمة الله وبركاته

خواتي وغالياتي وحبيباتي

قبل لا أكتب لكن تقرير رحلتي إلى ألمانيا + فرنسا

حبيت أشكر كل وحدة فيكن حطت لنا مواضيع حلوة وذكرت لنا تجاربها

لأني دوم أعرف المجهود الكبير اللي تبذله الوحدة فيكن عشان اتمتعنا بتقاريرها الحلوة

ودوم أقول صاحبة التقرير تعبت واااايد

بما أنه الموضوع الواحد يمر بمراحل عشان يظهر لنا بالصورة اللي نحن انشوفها

1- التقاط الصور + تجميعها
2- تصغير الصور ليكون بحجم مناسب للعرض
3- تحميل الصور في مواقع التحميل
4- كتابة التقرير بشكل مرتب وإدراج الصور ضمن التقرير

وكل هذا لأنها العضوة حبت اتفيد خيرها

فأشكر كل أخت حطت لنا صور وتقارير لرحلاتها وسيراتها

+++++++++++++++++++++

ابصراحة خواتي .. أنا عندي واااايد صور

سواء لرحلاتي داخل الإمارات (الإمارات المختلفة .. الأماكن السياحية .. الفنادق والمطاعم …)

أو لرحلاتي لدول خارج الإمارات

لكن كل مرة

وبسبب كثرة الصور وانشغالي

أتكاسل ولا أنزل موضوع ممكن من خلاله أفيد غيري

وهالمرة بعد

صورت صور لسفرتي لألمانيا + فرنسا

وقلت خلاص إن شاء الله بحط الصور للخوات

ومن رديت البلاد

اتكاسلت واتعايزت وقلت وااايد صور ومادري شو

لكن بعض الخوات اللي عرفن عن سفرتي

طلبن منيه أودر الكسل وأراويهن الصور

ولهالسبب قررت أني أنزل الموضوع

وإن شاء الله تتمتعن بالتقرير + الصور

(اخترت لكن مقتطفات من الصور .. لأنه العدد كبير وما رمت أحط كل شي)

+++ تفاصيل الرحلة +++

تاريخ المغادرة: يوم الجمعة .. 28 – 05 – 2024

تاريخ العودة: يوم الجمعة .. 11 – 06 – 2024

الرحلة كانت على طيران الإمارات .. درجة رجال الأعمال

دبي – فرانكفورت – دبي

عدد الأفراد: 5 .. أبو العيال + أنا + بنتي (سنتين و 3 شهور ) + ولدي (7 شهور) ربي يحفظهم + الفلبينية

يتبع <<<

وأول ما وصلنا المطار وخلصنا كل الإجراءات

دخلنا على قاعة طيران الإمارات عشان نتريق

وللأسف ما رمت أحط لكن صور الريوق لأننا طالعين في الصور

لكن حصلت لكن هالصور

وعقب ما خلصنا الحمدلله .. اتجهنا صوب الطيارة

وهالصور صورتهن وأنا ماشية باتجاه الطيارة

وهنيه صورة من داخل الطيارة

صور لغدانا داخل الطيارة

وهنيه بنتي فديتها حاطين لها غدا شرات الكبار لأننا ما طلبنا لها وجبة أطفال

واتجهنا إلى Heidelberg اللي تبعد عن فرانكفورت من 45 دقيقة – ساعة تقريبا

كنا حاجزين في فندق Mariott

وهنيه صور لغرفنا والـ views من الغرف

سرنا صوب اللـ Lounge لأننا كنا حاجزين في الطابق اللي فيه الـ Executive Lounge

وهنيه صور الإطلالة .. نهر منظره في غاية الروعة .. والجو كان برااااااد

Sweets

صورة للفندق من الخارج + صورة لجزء من المدخل

مناظر متنوعة

وخلال أيام إقامتنا في Heidelberg

كنا نتمتع باستكشاف الأماكن الجميلة فيها

وفنفس الوقت

كنا بعض الأيام نتجه إلى المدن القريبة منها عشان نستغل الوقت في استكشاف أكبر عدد من الأماكن

ولأنه أبو العيال استأجر سيارة وهو اللي كان يسوق .. فكنا نظهر متى ما بغينا ونرجع متى ما بغينا

++++++++++++++++++++++++

هنيه سرنا نتمشى ونتسوق فنفس الوقت

وابصراحة الجو ما شاء الله تبارك الرحمن وااايد كان يساعد على المشي