الوسم: LOVE

انا متابعه دايما للمنتدى
قلت دامه منتدى وكلن يكتب اللي في خاطره ,, انا بعد بكتب لي في خاطري

لاحظت في هالشهور الاخيرة ,, وايد بنات يكتبن لي في خاطرهن,, بس بطريقة عجيبه غريبه ,,
نحن ما ننكر هالشي موجوود بس مستور والحين ماشي ينستر كله فضايح ويكون في علم الجميع ان القصص لي نتكتب نتقال في ميالس الحريم ,, وتصير نكته بعد
بسوي احصائيه من نفسي

قصة 1

قصة 2

قصه 3

قصة 4

قصه 5

قصه 6

هذا اللي شفته وقريته ,, واكيد شي غيره

مغزى الموضوع ,, حرام ثم حرام هالشي اللي يصير وتتحاسبين عليه ,, تتحاسبين عالذنب وتتحاسبيت على انج ما سترتي على عمرج,, لا تقولوين منتدى ومحد يعرفني ، ترا هو ستر في الدنيا وفي الاخرة ,, يعرفونج والا ما يعرفونج !!
وقال النبي-صلى الله عليه وسلم- : { كل أمتي معافى إلا المجاهرين، وإن من الإجهار أن يعمل العبد بالليل عملا، ثم يصبح قد ستره ربه، فيقول: يا فلان! قد عملت البارحة كذا وكذا، وقد بات يستره ربه، ويصبح يكشف ستر الله عنه } [متفق عليه].

انا اقترح والاقتراح فيه استهزاء بعقول بعض الناس ,, ان تسوون قسم اسمه LOVE STORIES وخلن فيه باسوورد والبنات اللي متخصصات بهالعلوم وعندهن الحلول الشافيه هن بس اللي يدخلنه وعندهن اشتراك في القسم ورقم سري له

خير الخطاؤون التوابون ,,, موب خير الخطاؤوون المجاهرون!!!!

لا عاد اللي يبط الجبد ويقهر ,, يوم تكتب اونه مشكله ربيعتها !!!!!!!!!؟؟؟
دخلوها في راسي كيف وشو الفرق انتي والا ربيعتج وااحد ,, لا عاد اونه بقول لربيعتي ادش وتقرا الردود,,, عاد هني صدق ابا اضحك هههههههه
تذكرن القصص الواعظة اللي اتي في كتيبات صغيره ,, للعظه والعبره ,, وليست للفرجه والتعليق والاستهتار.. لان فيها نهاية مشرفه للقصه وفيها توبة نصوحه ,, لدرجة الواحد لما يقرا القصه يتأثر بها

لكن خبرني هني شو العضة والعبره ,, شو المطلوب ,,
ما يعرفن انه حرام ,, ما يعرفن انه غلط,, ما يعرفن انها خيانه ,,

الله تعالى: ﴿.. إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له ومالهم من دونه من والٍ ﴾[ الرعد:11]

لله يستر علينا دنيا واخر ياااااااا رب,,,, ربنا لا تآخذنا بما فعل السفهاء منا

هذ غيض من فيض ,, وخذن بعين الاعتبار يا مشرفات ,, لانكن تتحاسب عند الله بحكم مسؤوليتك في حذف ومنع هالشي…

يرجى عدم حذف الموضوع

الله يعطينا على قد نيتنا ,,, حبيت انصح ,, واسمحلي على الاسلوب ,, اللي ممزوج بقهر وغصه على المستوى اللي وصلنا فيه