ll::ll بطاقات تهنئـــه المجموعه الثانيه ll:ll

السلام عليكم ورحمه الله وبركاته

اليوم صورتلكم المجموعه الثانيه من البطاقات .. وأتمنى أنها إتنال أعجابكم
وللي ماشاف المجموعه الأولى يضغط هني >> ll::ll بطاقات تهنئـــه .. المجموعه الأولى ll:ll

أخليكم وياالصور

مــلاحظه
الوردتين في الصوره الأولة والثانيه .. أنا مسويتنهم .. يعني لا قطاعات ولا خرامات
أما الورده الرابعه والسادسه .. فبقطاعه
والثالثه والخامسه .. جاهزات

ارائـــكم تهمني
وتقبلوا تحياتي

ما شا الله وايد حلوات

وانا اهدي بطاقات التهنئه لاختي عنابه
لانها اصبحت مشرفه والسموحه ع التاخير

السلام عليكم
ماشاء الله عليج يا ثلوج الصيف "متى بيي الشتا "

أول شي إبداع في التصميم والشغل اليدوي
ثاني شي إبداع في الألوان

تسلم الأيادي ..

وترتوووووب

ما شاء الله

واااااااااااااااااااااااااااايد حلوات

المشاركة الأصلية كتبت بواسطة $$um ali$$
ما شا الله وايد حلوات

وانا اهدي بطاقات التهنئه لاختي عنابه
لانها اصبحت مشرفه والسموحه ع التاخير

تسلمين الغاليه
والمشرفه عنابه تستاهل كل خير

المشاركة الأصلية كتبت بواسطة $$um ali$$
ما شا الله وايد حلوات

وانا اهدي بطاقات التهنئه لاختي عنابه
لانها اصبحت مشرفه والسموحه ع التاخير

البطاقات رووووووووووووووعه (عنابه تحب البطاقات)
و طريقة عرضهم عجبتني
simple
and elegant

مشكوره الغاليه ام علي على الاهداء ^_^

المشاركة الأصلية كتبت بواسطة ثلوج الصيف

تسلمين الغاليه
والمشرفه عنابه تستاهل كل خير

مشكوره حبيبتي ^_^

ll::ll بطاقات تهنئـــه المجموعه الأولى ll:ll

السلام عليكم ورحمه الله وبركاته

في رمضـــان كنت مسويه ديزاينات وروود وأوراق … ومن وقتها وانا أفكر شو أسوي في هالوردات
يبت برواز كان عندي … وقلت بسوي على شكل مزهريه .. بس الفكره ما دشت راسي
وحطيت الوردات والأوراق في بوكس وسكرت عليه .. ونسيت سالفتهم

من أسبوعين تقريبا تذكرتهم (^_^) .. وسرت وطلعتهم وقلت بسوي بطاقات
تنفع للتهنئه ( بالمولود .. زواج .. بيت يديد ) لاي مناسبه

وقصيت ولزقت وسويت .. وشوفوا كيف كانت النتيجه
بس التصوير مووول مب شي … بصور باجي البطاقات عقب وبحطلكم إياهم

وخلال الايام اليايه بصــور لكم الباقي .. وبسوي لهم اظرف بعد
شو رايـــــكم ..؟؟

ماشاء الله شغلج حلو

نتريا الباقي

هلا اختي ماشاء الله تبارك الرحمن

حبت اسئلك كيف قصيتي الورق بهذا الشكل اذا كانت اله ياليت تصورينها

الله يبارك لك في وقتك

المشاركة الأصلية كتبت بواسطة أم عبدالله77
ماشاء الله شغلج حلو

نتريا الباقي

إن شاء الله … بس اضبط الكاميرا وبصور الباجي
مشكــوره عزيزتي

المشاركة الأصلية كتبت بواسطة برد الشتاء
هلا اختي ماشاء الله تبارك الرحمن

حبت اسئلك كيف قصيتي الورق بهذا الشكل اذا كانت اله ياليت تصورينها

الله يبارك لك في وقتك

هالورده سويتها عن طريق قطاعه عندي ( أحم أحم وأخيرا اشتريت قطاعات )
بس أحط الورقه فيها وأخرمها .. وتطلع ورده
حتى شوفي الورده متكرره بأكثر من بطاقه بس بوضعيات مختلفه

وإن شا ء الله بصورهااا

شغل حلو ناااعم ماشاء الله عليج

ربي يوفقك يا الغلا

ونحن بانتظار جديدك دوم

ماشاء الله ماشاء الله ماشاء الله
دخلت بس عشان أرد على الموضوع

حلوين .. والألوان بعد ترتوب ..
أخيرا قطاعات هاه ؟
شغلج بهم وبدونهم روعه ماشاء الله ..

حطيهم في التجاري ..
هذا وقتهم

llllll أبســــط حل لمشكلة البشرة الدهنيـــة llll

السلام عليكم ورحمة الله وبركاته

طبعاً البشرة يوم اتدهن اتعب الوحده نفسياً وخاصةً اذا كانت عندج مناسبة وحاطه مكياج
ما تكملين ساعه ويخترب المكياج حتى لو شو حطيتي لازم اتدهن البشره

المهم ماعندي اختراع يديد ولا منتج يديد بس اخبركم عن تجربتي

ما فادني لا ديور ولا جيفينشي ولا اي حل من الدكتور
الحل الوحيد اللي فادني هوووووو

""""""" ماااااااااااااااي الورد """"""""

ادري انه مب شي يديد ، لكن حبيت اني افيدكم بتجربتي
ياما سمعنا عنه وعن الثلج بعد قبل المكياج لكن منو متفيج صح

انا حطيته في غرشة و أرش منه كل يوم على ويهي
بعد ما اغسله يوم انش
واخليه ينشف روحه ، الحمدلله واااااايد لاحظت فرق الحينه

طبعاً مب في يوم وليلة ، تمي عليه يومياً وخلال اسبوعين او اكثر ان شاء الله بتلاحظين الفرق
وطبعاً نفس الوقت ينعش البشره ويخفف من المسامات مع الاستخدام الطويل

جربوا وما بتخسرون

فديتج ما تقصرين وانا بعد نفس الشي اعني واشرب ماي مع ماي ورد
واسوي ماسك الحلبه مع ماي الورد

انا معاااج اختيييه

ماي الورد وااااااااااااااايد مفييييييييييييييييييد

واحلى شي يوم يكون بارد تنشين الصبح وترشينه يا سلااااااااام يعطيييج انتعاااااااااااااااش مو طبيعي

وانا استخدمه حق الهالات بعد —-> ادعولي الهالات ترووح عني =(

ان شاء الله الهالات اتخوز عنا وعنج
ومشكورات عالرد

يعطييج العافية الغاالية

صادقه يالغاليه
ويزاج الله خير

انا ارشه ع ويهي كل يوم ^_^

بشرتي مش دهنيه >> مختلطـه تقهرني فالصيف حال والشتا حال ثاني

الحمدلله ع كل حـال

[[[[كشخة مهوي ف العيد من]]]] lllDior llll

مرحبا بنوتات وسيدات

حبيت أوريكم كشختي ف العيد … هالعيد كان ستايلي سمبل وايد وكلاسيك أكثر

شريت شنطة من ديور .. هي موديلها مب وايد يديد بس لونها يديد ولميتد اديشن وفي منها يمكن بس 4 قطع ف الأمارات .. بس للأسف ما حصلت لها اكسيسوريز حلوين .. كله كان مخلص تعرفون زحمة العيد

وهاي هي شنطتي لونها سلفر وعليها ديور print

وشريت اسويرة من ديور بعد وهاي صورتها

وأخيرا عبايتي الناعمة .. بوريكم جزء منها لأن حقوق التصميم محفوظة لووول

وسلامتكم … بانتظار تعليقاتكم

حلوه أغراضج عباتج تجنن من وين خيتو وبكم ؟

نايس ^^ ماشاءالله

المشاركة الأصلية كتبت بواسطة Danna
حلوه أغراضج عباتج تجنن من وين خيتو وبكم ؟

تسلمين غلاي من ذوقج فديتج

ها امفصلتنها عندExotic Desigen ف العين بـ1500

المشاركة الأصلية كتبت بواسطة عيون_الورد
نايس ^^ ماشاءالله

تسلمين الغلا من ذوقج .. وتسلمين ع المرور

روعـــه .. تتهنين فيهن الغاليــه ..

المشاركة الأصلية كتبت بواسطة мιšš мαнα
روعـــه .. تتهنين فيهن الغاليــه ..

تسلمين حبوبة كلج ذوق